JIO Bharat Sales In Amazon : ప్రముఖ వ్యాపార దిగ్గజం రిలయన్స్ జియో ఇటీవలే జియో భారత్ కీప్యాడ్ ఫోన్ను విడుదల చేసింది. కాగా దీనికి సంబంధించిన అమ్మకాలను సోమవారం (ఆగస్టు 28) అమెజాన్లో ప్రారంభించింది. ప్రతి ఒక్కరికి డిజిటల్ సేవలను అందుబాటులో ఉంచడమే లక్ష్యంగా దీనిని తీసుకొచ్చింది. పెద్ద మొత్తంలో డబ్బులు వెచ్చించి స్మార్ట్ఫోన్లు కొనలేని వారి కోసమే ప్రత్యేకంగా జియో భారత్ పేరుతో 4జీ మోడల్ ఫోన్లను గత నెల 7న భారత మార్కెట్లోకి తీసుకువచ్చింది.
2జీ ముక్త్ భారత్
రిలయన్స్ అధినేత ముకేశ్ అంబానీ '2జీ ముక్త్ భారత్' లక్ష్యంగా తాము ఈ నయా జియో భారత్ ఫోన్ను ఆవిష్కరించినట్లు తెలిపారు. ఇంటర్నెట్ ఎనేబుల్డ్ 4జీ ఫీచర్లతో తీసుకొచ్చిన ఈ ఫోన్ను కేవలం రూ.999 ( JIO Bharat Phone 999 )కే అందిస్తున్నట్లు స్పష్టం చేశారు. ప్రస్తుతం అమెజాన్తో పాటు రిటైల్ అవుట్లెట్ స్టోర్స్లో కూడా ఈ 4జీ కీప్యాడ్ ఫోన్ సేల్స్ను ప్రారంభించారు. మరి ఈ నయా కీప్యాడ్ ఫోన్లోని స్పెక్స్, ఫీచర్స్ ఎలా ఉన్నాయంటే..
JIO Bharat Features And Specifications : జియో భారత్ 4జీ పేరుతో అందుబాటులోకి వచ్చిన ఈ ఫోన్లో 4జీ ఇంటర్నెట్ కనెక్టివిటీ సహా మరెన్నో ఫీచర్స్ ఉన్నాయి.
స్పెక్స్ అండ్ ఫీచర్స్..!
- 3.5mm ఆడియో ఫోన్ కనెక్టర్
- బ్యాటరీ- 1000mAh బ్యాటరీ
- కెమెరా- 0.3 మెగాపిక్సెల్
- ఒక్క ఛార్జ్తో 24 గంటల పవర్ బ్యాకప్
- స్టోరేజ్- 128జీబీ స్టోరేజ్ సపోర్ట్ (ఎస్డీ కార్డు)
- డిస్ప్లే- 1.77 అంగుళాల QVGA TFT డిస్ప్లే
ఎక్స్ట్రా ఫీచర్స్..!
JIO Bharat Features : క్లాసిక్ బ్లాక్ కలర్లో లాంఛ్ చేసిన ఈ జియో భారత్ ఫోన్ హెచ్డీ కాలింగ్ను కూడా సపోర్ట్ చేస్తుంది. జియోపే యాప్ ద్వారా సులువుగా యూపీఐ పేమెంట్స్ చేసుకునే సౌలభ్యం కూడా ఇందులో ఉంది. ముఖ్యంగా జియో సినిమా, స్పోర్ట్స్ లాంటి ఓటీటీ ప్లాట్ఫామ్స్ను యాక్సెస్ చేసుకునే వీలును ఇందులో కల్పించారు. జియో సావన్ యాప్ ద్వారా వేలాది పాటలను వినవచ్చు.
జియోభారత్ V2, జియో భారత్ K1 కార్బన్ పేర్లతో రెండు సిరీస్లలో అందుబాటులోకి వచ్చిన ఈ మోడల్లో కేవలం జియో సిమ్ను మాత్రమే వినియోగించాలి. మొత్తం 23 ప్రాంతీయ భాషలను ఇది సపోర్ట్ చేస్తుంది. కాగా ఇందులో ప్రీ-ఇన్స్టాల్డ్ జియో యాప్స్ ఉంటాయి.
ప్లాన్స్ వివరాలు..!
Amazon JIO Recharge : రీఛార్జ్ ప్లాన్స్ విషయానికి వస్తే.. 28 రోజుల ప్లాన్ వ్యాలిడిటీతో యూజర్లు రూ.123 నెలవారీ ప్లాన్ను తీసుకుంటే.. అన్లిమిటెడ్ కాల్స్తో పాటు, 14జీబీ డేటా(రోజుకు 0.5జీబీ ఇంటర్నెట్)ను పొందవచ్చు.
