ఉత్తరప్రదేశ్ వారణాసిలోని ఐఐటీ(బెనారస్ హిందూ విశ్వవిద్యాలయం)లో అంతరిక్ష ప్రాంతీయ అకాడమీ కేంద్రాన్ని భారత అంతరిక్ష పరిశోధన సంస్థ(ఇస్రో) స్థాపించనుంది. ఈ మేరకు ఐఐటీ(బీహెచ్యూ), ఇస్రోల మధ్య అవగాహన ఒప్పందం-ఎంఓయూ కుదిరింది. పరిశోధన, అభివృద్ధి రంగాలపై విద్యార్థులలో అభిరుచిని పెంపొందించాలన్న ఉద్దేశంతోనే దీనిని స్థాపించనున్నామని ఇస్రో తెలిపింది. దీని ద్వారా స్వల్ప , దీర్ఘకాలిక ప్రాజెక్టులు చేసేందుకు విద్యార్థులకు అవకాశం కల్పించనున్నట్లు వెల్లడించింది.
బీటెక్, ఎంటెక్ విద్యార్థుల కోసం స్వల్వకాలిక ప్రాజెక్ట్లు ఉంటాయని పేర్కొంది ఐఐటీ. పీహెచ్డీ చేయలనుకునే వారికి దీర్ఘకాలిక ప్రాజెక్ట్లను అందించనున్నట్లు వెల్లడించింది.
ఈ అకాడమీ ద్వారా అంతరిక్షానికి సంబంధించిన సాంకేతికతపై విద్యార్థులు పట్టు పెంచుకోవచ్చని ఐఐటీ(బీహెచ్యూ) డైరక్టర్ ప్రొఫెసర్ ప్రమోద్ కుమార్ జైన్ తెలిపారు. అకాడమీ ద్వారా ఉత్తరప్రదేశ్ , మధ్యప్రదేశ్, ఛత్తీస్గఢ్ రాష్ట్రాలలో అంతరిక్షానికి సంబంధించిన సాంకేతిక కార్యక్రమాల నిర్వహణకు ఇస్రో కృషి చేస్తుందని పేర్కొన్నారు.
ఇదీ చూడండి: దేశాభివృద్ధిలో ఐఐటీలది కీలకపాత్ర: కిషన్ రెడ్డి
