ఐఫోన్ యూజర్లకు శుభవార్త. ఇకపై యాప్ స్టోర్ సంబంధిత పేమెంట్లు జరిపేలా మూడు పేమెంట్ విధానాలను అందుబాటులోకి తీసుకొచ్చింది యాపిల్ సంస్థ. ఇప్పటివరకూ వినియోగదారులు.. యాప్స్ సబ్స్క్రిప్షన్ తీసుకునేందుకు క్రెడిట్ కార్డు లేదా డెబిట్ కార్డు వివరాలను యాడ్ చేయాల్సి ఉండేది. ప్రస్తుతం.. యూపీఐ అకౌంట్, రూపే, నెట్ బ్యాంకింగ్ ద్వారా పే చేసే అవకాశం కలిపించింది యాపిల్ సంస్థ.
ఇకపై.. నెలవారీ ఐక్లౌడ్ సబ్స్క్రిప్షన్ల కోసం, పెయిడ్ యాప్స్ ఆటో రెన్యూవల్ కోసం యూపీఐ వివరాలను జతచేయవచ్చు. యాప్లో కొత్త ఫీచర్లు కొనుక్కునేందుకు, కొత్త యాప్లను కొనేందుకూ ఈ వ్యాలెట్ను ఉపయోగించుకోవచ్చని సంస్థ పేర్కొంది.
ఈ కొత్త ఫీచర్లను పొందేందుకు యూజర్లు ఐఓఎస్, ఐప్యాడ్, మ్యాక్ ఓఎస్ వెర్షన్లను అప్డేట్ చేయాల్సి ఉంది.
న్యూ పేమెంట్ మోడ్ను పొందండిలా...
- ఐఫోన్, ఐప్యాడ్లో సెట్టింగ్స్ మెనూకు వెళ్లాలి.
- స్క్రీన్పై కనిపించే యాపిల్ ఐడీపై క్లిక్ చేయాలి.
- పేమెంట్ అండ్ షిప్పింగ్ ఆప్షన్ను సెలక్ట్ చేయాలి. యాపిల్ ఐడీ వివరాలను ఎంటర్ చేయాలి.
- న్యూ పేమెంట్ మోడ్ను పొందేందుకు యాడ్ పేమెంట్ మెథడ్పై క్లిక్ చేయాలి.
- యూపీఐ, రూపే వివరాలను యాడ్ చేసుకునేలా యాపిల్ గైడ్ చేస్తుంది. దాని ప్రకారం వివరాలను ఎంటర్ చేయాలి.
- యాపిల్ ఐడీకి మల్టిపుల్ పేమెంట్ మోడ్లను కూడా యాడ్ చేసుకునే అవకాశం ఉంది.
మ్యాక్బుక్లో అయితే...
- యాప్ స్టోర్లోకి వెళ్లి సైన్ ఇన్లో యాపిల్ ఐడీ, పాస్వర్డ్ వివరాలు ఇవ్వాలి.
- వ్యూ ఇన్ఫర్మేషన్లోకి వెళ్లి మేనేజ్ పేమెంట్స్పై క్లిక్ చేయాలి.
- యాడ్ పేమెంట్స్పై క్లిక్ చేసి యూపీఐ, రూపే లేదా నెట్ బ్యాంకింగ్ ఉపయోగించుకోవచ్చు.
ఇదీ చదవండి:ఐఫోన్ల విక్రయాలతో 3 నెలల్లో రూ.3 లక్షల కోట్ల ఆదాయం!
