జియో వెబ్​క్యామ్​తో ఇకపై నేరుగా టీవీ నుంచే వీడియో కాల్స్​!

How To Set Up JioTVCamera For TV Calling In Telugu : రిలయన్స్ జియో యూజర్లకు గుడ్ న్యూస్. రిలయన్స్​ జియో కంపెనీ ఇటీవలే 'జియో టివీ కెమెరా'ను అందుబాటులోకి తెచ్చింది. ఈ వెబ్​క్యామ్​తో నేరుగా మీ టీవీ నుంచే వీడియో కాల్స్ చేసుకోవడానికి వీలవుతుంది. మరి దీని పూర్తి వివరాలు సహా, సెటప్ ప్రాసెస్ గురించి తెలుసుకుందామా?

How To Set Up JioTVCamera For TV Calling : రిలయన్స్ జియో తమ యూజర్ల కోసం ఎప్పటికప్పుడు సరికొత్త ప్రొడక్టులను అందుబాటులోకి తెస్తోంది. అందుభాగంగా ఇటీవలే జియో టీవీ కెమెరాను మార్కెట్లోకి తెచ్చింది. ఈ వెబ్​క్యామ్​తో మీ టీవీ నుంచే నేరుగా వీడియో కాల్స్ చేసుకుని మాట్లాడుకోవడానికి వీలవుతుంది. అందుకే ఈ వెబ్​క్యామ్​లో ఉన్న ఫీచర్స్​పై ఓ లుక్కేద్దాం రండి.

సూపర్ క్వాలిటీ ఫీచర్స్ ఉన్నాయ్​!

1. జియో వెబ్​క్యామ్..​ ఆల్ట్రా-వైడ్ హెచ్​డీ వీడియో కాలింగ్​తో సహా, లాంగ్​ రేంజ్​​ ఆడియోను కూడా సపోర్ట్ చేస్తుంది. అంతేకాదు దీనికి ప్రైవసీ షట్టర్ కూడా ఉంది. అందువల్ల కెమెరా ఉపయోగించనప్పుడు కెమెరాను క్లోజ్ చేసుకోవచ్చు.
   

   జియో టీవీ కెమెరా వీడియో కాలింగ్
2. ఈ జియో టీవీ కెమెరా 120 డిగ్రీ ఫీల్డ్​ వ్యూ కలిగి ఉంటుంది. కనుక కుటుంబ సభ్యులు అందరూ కలిసి ఫ్యామిలీ కాల్స్ చేసుకోవచ్చు. అలాగే గ్రూప్​ మీటింగ్స్​ కూడా పెట్టుకోవచ్చు. కావాలంటే పర్షనల్​ వీడియో కాన్ఫరెన్స్ కూడా నిర్వహించుకోవచ్చు.
3. ఈ కెమెరాలో ఉన్న ​బిల్ట్ఇన్​​ మైక్రోఫోన్​ 4 మీటర్ల రేంజ్​ వరకు క్లియర్​గా ఆడియోను క్యాప్చర్ చేస్తుంది. కనుక ఆడియో కూడా​ చాలా స్పష్టంగా వినబడుతుంది.
4. ఈ జియో వెబ్​క్యామ్​లోని బిల్డ్-ఇన్​ ఆల్గారిథమ్​ వల్ల తక్కువ వెలుతురులోనూ ఇమేజ్​లు చాలా క్లియర్​గా కనిపిస్తాయి.
   

   జియో టీవీ కెమెరాతో ఫ్యామిలీ వీడియో కాలింగ్​
5. రిలయన్స్ జియో తీసుకువచ్చిన ఈ టీవీ కెమెరా.. జియో టీవీ కాలింగ్​, జియో మీట్ అప్లికేషన్​లతో సహా, మైక్రోసాఫ్ట్ టీమ్స్​, జూమ్ లాంటి పాప్యులర్ అప్లికేషన్లు అన్నింటికీ సపోర్ట్ చేస్తుంది.

జియో టీవీ కెమెరా ధర :
ఈ జియో యూఎస్​బీ వెబ్​క్యామ్​ ధర రూ.2,999గా ఉంది. ఇది రిలయన్స్ డిజిటల్ స్టోర్స్​లో​, జియోమార్ట్​ల్లో లభిస్తుంది. ఈ వెబ్​క్యామ్​కు ఒక సంవత్సరం మాన్యుఫ్యాక్చురర్​ వారెంటీ కూడా అందిస్తున్నారు.

How To Set-Up JioTVCamera :

జియో టీవీ కెమెరా సెటప్​ ప్రాసెస్

• 1. ముందుగా ఈ జియో వెబ్​క్యామ్​ను యూఎస్​బీ ద్వారా జియో సెట్​-టాప్​ బాక్స్​తో అనుసంధానం చేయాలి.
• 2. తరువాత JioJoin యాప్​ను లాంఛ్ చేసి, అన్ని పర్మిషన్లు ఇవ్వాలి.
• 3. వెంటనే మీకు కాన్ఫిగరేషన్ స్టార్ట్​ చేయడం కోసం Generate OTP అనే సందేశం వస్తుంది.
• 4. మీరు దానిని క్లిక్​ చేయగానే మీ రిజిస్టర్డ్ మొబైల్ నంబర్​కు OTP వస్తుంది.
• 5. ఆ OTPని ఎంటర్ చేసి, Proceed బటన్​పై క్లిక్ చేయాలి.
• 6. వెంటనే జియో సెట్​-టాప్ బాక్స్​ మీ 10 అంకెల జియో ఫిక్స్​డ్ వాయిస్ నంబర్​తో కాన్ఫిగర్ అయిపోతుంది. అంతే సింపుల్​!
• ఈ విధంగా జియో వెబ్​క్యామ్​తో నేరుగా మీ స్మార్ట్​టీవీ నుంచే వీడియో కాల్స్ చేసుకోవచ్చు.
  • " class="align-text-top noRightClick twitterSection" data="">