స్మార్ట్ ఫోన్స్ను మోడ్రన్ మార్వెల్స్ అంటుంటారు. వీటి వల్ల కుర్చున్న చోటు నుంచే ప్రపంచాన్ని చుట్టేయొచ్చు. అనేక పనులను ఫింగర్ టిప్తో చేయవచ్చు. సాంకేతికత పెరగడం వల్ల స్మార్ట్ ఫోన్లలో రకరకాల ఫీచర్లు వచ్చాయి. అందులో ముఖ్యమైనది ఫాస్ట్ ఛార్జింగ్. అయితే, దీనిపై చాలా మందికి చాలా రకాల అనుమానాలు ఉంటాయి. ఫాస్ట్ ఛార్జింగ్ వల్ల ఫోన్ ఎక్కువ వేడెక్కితే బ్యాటరీ డ్యామేజ్ అవుతుందని.. ఫోన్ పేలిపోతుందని అనుకుంటారు. అలాంటి వాటి గురించి నిజానిజాలు ఏమిటో తెలుసుకుందాం.
ఫోన్ బ్యాటరీలలో కెమికల్ ప్రాసెస్ నిరంతరాయంగా జరుగుతుంది. సాధారణంగా ఫోన్ బ్యాటరీలలో లిథియం కోబాల్ట్ ఆక్సైడ్, గ్రాఫైట్ అనే రెండు లేయర్లు ఉంటాయి. అయాన్లు.. గ్రాఫైట్ లేయర్ నుంచి ఎలెక్ట్రోలైట్ ద్రావణం గుండా కోబాల్ట్ లేయర్కు వెళతాయి. దీంతో ఎలక్ట్రాన్స్ రిలీజ్ అవుతాయి. మనం ఛార్జింగ్ చేసేటప్పుడు అపశవ్య దిశలో వెనుక్కు వెళ్లి.. మనం ఫోన్ వాడుతున్నప్పుడు తిరిగి అదే ప్లేస్లో స్టోర్ అవుతాయి. రిలీజ్ అయిన ఎలక్ట్రాన్ ఫ్లో వల్ల మన ఫోన్ నడుస్తుంది. ఈ సమయంలో విడుదలయ్యే ఎనర్జీ.. వేడిని పుట్టిస్తుంది. అదే మనం అప్పుడప్పుడు ఫోన్ ఛార్జింగ్ చేసినప్పుడు ఫీల్ అవుతుంటాం. అయితే, సుదీర్ఘ కాలంలో ఆ వేడి.. ఫోన్ బ్యాటరీని డ్యామేజ్ చేస్తుంది.
ఫాస్ట్ ఛార్జింగ్లో.. ఇదే జరుగుతుంది!
ఇలాంటి ఛార్జింగ్ సైకిల్స్ జరిగేకొద్దీ.. బ్యాటరీ కెపాసిటీ తగ్గుతుంది. దానికి కారణం అందులో ఉన్న ఎలెక్ట్రోలైట్ ద్రావణం.. ఘన పదార్థంగా మారుతుంది. కాని కారణంగా ఐయాన్ల ఫ్లోను అడ్డుకుంటుంది. అందుకే పాతబడ్డకొద్దీ ఛార్జింగ్ కెపాసిటీ దెబ్బతింటుంది. ఫోన్కు ఫాస్ట్ ఛార్జింగ్.. పెడితే.. ఎక్కువ పవర్ వెళ్లి ఎలెక్ట్రోలైట్ ద్రావణం త్వరగా ఘన పదార్థంగా మారుతుంది. దీంతో బ్యాటరీ చాలా వేగంగా వేడెక్కి బ్యాటరీ లైఫ్ తగ్గుతుంది. అంతేకాకుండా, వేడి వాతావరణంలో ఫోన్ను ఉంచినా ఇలాగే జరుగుతుంది.
ఫాస్ట్ ఛార్జింగ్.. మంచిది కాదా?
ఫాస్ట్ ఛార్జింగ్ మన ఫోన్కు మంచిది కాదా? ఈ ప్రశ్నకు అవును, కాదు.. అని రెండు జవాబులున్నాయి. ఫాస్ట్ ఛార్జర్తో ఎక్కువ పవర్ను ఎక్కువసేపు ఫోన్కు ఇస్తే.. బ్యాటరీ పాడైపోతుంది. అయితే, ఇప్పుడు వస్తున్న ఫోన్లలో బ్యాటరీ ఛార్జింగ్ మేనేజ్మెంట్ ఫీచర్లు ఉంటున్నాయి. దాంతో అలాంటి బ్యాటరీ డ్యామేజ్లు అరుదుగా జరుగుతాయి.
ఫాస్ట్ ఛార్జింగ్ వాడొచ్చా..?
ఇంతకుముందు వచ్చిన ఫాస్ట్ ఛార్జింగ్లో.. ఛార్జింగ్ త్వరగా అయి బ్యాటరీలు ఎక్కువ వేడెక్కేవి. అప్పటి ఫోన్లలో వేడి త్వరగా బయటకు వెళ్లడానికి ఏ ఆప్షన్లు ఉండేవి కావు. ప్రస్తుతం ఉన్న ఫోన్లు మంచి వెంటిలేషన్తో వస్తున్నాయి. అందుకే ఇలాంటి సమస్యలు తగ్గుతున్నాయి. బ్యాటరీలకు ఎంత పవర్ వెళ్లాలి అని మనం నిర్ణయించుకోవచ్చు. వేడిని కూడా నియంత్రించొచ్చు. దానికోసం ఫోన్లకు హీట్ షీల్డ్స్, థర్మల్ లేయర్లతో పాటు వేడిని బయటకు పంపడానికి కూలింగ్ పైపులు కూడా అమర్చుతున్నారు. ఇక, బ్యాటరీ ఫుల్ అయిన తర్వాత ఆటోమేటిక్గా ఆగిపోవడానికి ప్రోగ్రామింగ్ చేస్తున్నారు. కొన్ని ఫోన్లు కూలింగ్ ఫ్యాన్లతో కూడా వస్తున్నాయి.
మన బ్యాటరీ తక్కువగా ఉన్నప్పుడు ఎక్కువ పవర్ అవసరం అవుతుంది. అదే ఫోన్ 100 శాతం ఛార్జింగ్ ఉన్నప్పుడు.. 80W పవర్ అవసరం ఉండదు. అంటే ఛార్జింగ్ అవుతున్నంత సేపు పవర్ ఒకేలా అవసరం రాదు. దీంతో మీరు రాత్రంగా ఫోన్ ఛార్జింగ్ పెట్టుకున్నా.. సమస్య ఉండదు.
