Mobile Secret Codes : స్మార్ట్ ఫోన్.. మనిషి రోజూవారి జీవితాన్ని మరింత స్మార్ట్గా మార్చేసిందని చెప్పడంలో సందేహమే లేదు. కాలింగ్ మొదలు బ్రౌజింగ్ దాకా.. బ్యాంకింగ్ నుంచి టికెట్ బుకింగ్ దాకా.. ఒకటా రెండా ఎన్నో సేవలు స్మార్ట్ఫోన్ ద్వారా పొందుతున్నాం. అయితే.. చాలా మందికి మొబైల్లో ఇన్ బిల్ట్గా వచ్చే యాప్స్ గురించి పూర్తి సమాచారం తెలియనే తెలియదు. ఇక సెట్టింగ్స్ లోకి వెళ్తే కొన్ని ఆప్షన్స్ మినహా.. మిగిలినవి ఎందుకున్నాయో.. వాటితో ఎలాంటి ఉపయోగం ఉంటుందో మెజారిటీ జనానికి తెలియదు.
ఇలా.. మనం నిత్యం వాడే ఫోన్లో మనకు తెలియని విషయాలు చాలానే ఉన్నాయి. ఈ లిస్టులోకి వచ్చే కొన్ని సీక్రెట్ కోడ్స్(Secret Codes) గురించి ఇప్పుడు మనం డిస్కస్ చేద్దాం. వీటి ద్వారా.. మీ ఫోన్లో మీకు తెలియని పలు వివరాలను క్షణాల్లో తెలుసుకోవచ్చు. ఇంతకీ ఆ కోడ్స్ ఏంటి? అన్నది ఈ స్టోరీలో తెలుసుకుందాం.
వాట్సాప్ మరో నయా ఫీచర్- ఒకే నంబర్పై రెండు అకౌంట్స్
- *#*#4636#*#* అనే కోడ్ గురించి మీరెప్పుడైనా విన్నారా? దీన్ని ఎంటర్ చేస్తే చాలు.. మీ మొబైల్కు సంబంధించిన పూర్తి వివరాలను చూపిస్తుంది.
- ఈ కోడ్ ద్వారా మీ ఫోన్ బ్యాటరీ, Wifi ఇన్ఫర్మేషన్‌, మీరు వాడే యాప్స్ ఏంటి? ఏ యాప్ ఎంత సేపు వినియోగించారు? అనే వివరాలు మొత్తం కనిపిస్తాయి.
- ఒక్కోసారి మనకు తెలియకుండానే.. మనకు రావాల్సిన ఫోన్ కాల్స్ వేరే నంబర్కు ఫార్వార్డ్ అవుతుంటాయి. ఈ సమస్య ఎదుర్కొనే వారు *#21# కోడ్ సహాయంతో మీ స్మార్ట్ ఫోన్లో కాల్స్ లేదా మెసేజ్‌లు మరో నెంబర్‌కు ఏమైనా డైవర్ట్ చేశామా లేదా అనే విషయాన్ని ఈజీగా తెలుసుకోవచ్చు.
- ఒకవేళ మీ ఫోన్లో కాల్ ఫార్వర్డ్‌ ఆప్షన్ యాక్టివేట్లో ఉంటే ##002# కోడ్ ద్వారా డీయాక్టివేట్ చేసుకోవచ్చు.
- *43# కోడ్ సహాయంతో మీ మొబైల్లో కాల్ వెయిటింగ్ సర్వీస్‌ను యాక్టివేట్ చేసుకోవచ్చు. ఈ కోడ్ను యాక్టివేట్ చేసుకోవడం ద్వారా మీరు వేరే కాల్లో ఉన్నప్పుడు ఎవరైనా మీకు కాల్ చేస్తే వెయింట్ వస్తుంది.
- ఒకవేళ కాల్ వెయిటింగ్ ఆప్షన్ను డీయాక్టివేట్ చేసుకోవాలంటే #43# అనే కోడ్ని ఎంటర్ చేస్తే సరిపోతుంది.
- స్మార్ట్ఫోన్ వాడే చాలా మంది మొబైల్ కొనగానే.. దాని వెంట వచ్చిన బాక్స్ను పడేస్తుంటారు. ఆ బాక్స్ మీద ఫోన్ IMEI నంబర్ ఉంటుంది. ఎవరైనా ఫోన్ హ్యాక్ చేసినా, దొంగిలించినా, మరేదైనా అవసరం పడినప్పుడు ఆ నంబర్ చాలా కీలకం. ఈ నంబర్ తెలియని వారు *#06# అనే కోడ్ని ఎంటర్ చేయడం ద్వారా వెంటనే మీ ఫోన్ IMEI నంబర్ ఈజీగా తెలుసుకోవచ్చు.
