మీరు బ్రెడ్ తింటున్నారా? అయితే ఈ విషయాలు తెలుసుకోవాల్సిందే!

సమయం కలిసివస్తుందనో, అన్నం కన్నా త్వరగా జీర్ణమవుతుందన్న భావనతోనో చాలామంది బ్రెడ్​ తినడానికి ఇష్టపడతారు. అయితే.. 'బ్రెడ్​ తీసుకోవడం నిజంగా ఆరోగ్యకరమేనా? ఎలాంటి బ్రెడ్​ తీసుకుంటే శరీరానికి మంచిది?' అని ఎప్పుడైనా ఆలోచించారా? లేకపోతే.. ఇప్పుడు ఆలోచించండి. ఎందుకంటే కొన్ని రకాల బ్రెడ్​లు ఆరోగ్యానికి చేటు చేస్తాయి మరి!

బ్రెడ్​.. మార్కెట్​లో ఎక్కువగా లభించే, తినడానికి అనుకూలంగా ఉండే సులువైన, తేలికైన ఆహారం. దీన్ని సాధారణంగా మైదాతో తయారు చేస్తారు. హోల్​గ్రెయిన్​తో తయారు చేసిన బ్రెడ్​లు ఆరోగ్యానికి మంచివి. ఈ బ్రెడ్​లు మనకు రకరకాలుగా మార్కెట్​లో లభ్యమవుతున్నాయి. కొందరు దీన్ని ఉదయం అల్పాహారంగా కూడా తీసుకుంటుంటారు. అయితే అసలు బ్రెడ్​ తినడం మంచిదేనా? ఎలాంటి బ్రెడ్ తీసుకోవాలి? బ్రెడ్​ తినేటప్పుడు తప్పక తీసుకోవాల్సిన జాగ్రత్తలు ఏమిటో తెలుసుకోండి.

బ్రెడ్ తినడం మంచిదేనా?

బిజీ లైఫ్ కారణంగా చాలామంది బ్రేక్​ఫాస్ట్​ కోసం బ్రెడ్​ తీసుకుంటున్నారు. బ్రెడ్​ టోస్ట్​ లేదా బ్రెడ్ ఆమ్లెట్​తో ఉదయం అల్పాహారం ముగించేస్తున్నారు. అయితే బ్రెడ్​ తినేముందు అందులో పిండి పదార్థం ఎక్కువగా, పీచు తక్కువగా ఉంటుందని తెలుసుకోవాలి. వైట్​ బ్రెడ్​ కన్నా బ్రౌన్ బ్రెడ్ మంచిది.

"బ్రెడ్​ ఆరోగ్యకరం కాదని చాలామంది అంటుంటారు. అయితే సరైన బ్రెడ్​ను ఎంపిక చేసుకుంటే అలా జరగదు. పిండితో కాకుండా బ్రౌన్​ బ్రెడ్, మల్టీగ్రెయిన్​ బ్రెడ్​ తీసుకోవడం ఉత్తమం."

బ్రౌడ్​ బ్రెడ్​ మోసాలతో జాగ్రత్త..

బ్రౌన్​ బ్రెడ్​ ఆరోగ్యానికి మంచింది. అయితే అందులో కల్తీ జరగడానికి ఎక్కువ ఆస్కారం ఉంటుంది. మైదా బ్రెడ్​కే కలర్​ వేసి బ్రౌన్ బ్రెడ్​గా విక్రయిస్తుంటారు. కాబట్టి.. ప్యాకెట్​ వెనుక భాగంలో రాసి ఉండే ఇంగ్రీడియెంట్స్​ జాబితాలో మైదా, హోల్​ వీట్​ ఎంత శాతం మేర ఉన్నాయో చెక్​ చేసుకోవాలి.

బ్రెడ్ ఎందుకు తీసుకోకూడదు?

మైదాతో చేసిన బ్రెడ్​లో ఎలాంటి పోషకాలుండవు. పైగా అనవసర కొవ్వు పదార్థం అందులో ఉంటుంది. మైదా, స్వీట్​ బ్రెడ్​లను పక్కనపెట్టడమే మేలు.

ఇవీ నష్టాలు..

• మూడు పూటలా బ్రెడ్​ తీసుకునేవారికి ఎక్కువ మొత్తంలో పిండి పదార్థంతో పాటు, ఉప్పు కూడా దాదాపు 137 గ్రాములు లభిస్తుంది. ఈ కారణంగా శరీరంలో ఉప్పు శాతం పెరిగి.. అధిక రక్తపోటు, గుండె, ఊపిరితిత్తుల సమస్యలు వచ్చేందుకు అవకాశం ఉంటుంది.
• బ్రెడ్​లో పిండి పదార్థం ఎక్కువగా ఉంటుంది. కాబట్టి తిన్న వెంటనే రక్తంలో కలిసిపోతుంది. ఫలితంగా రక్తంలో చక్కెర స్థాయి పెరుగుతుంది. పైగా, బ్రెడ్​ తిన్న కొద్ది సేపటికే ఆకలి వేస్తుంది. పదేపదే తిన్నట్లైతే ఊబకాయానికి దారితీస్తుంది.

బ్రెడ్​లో హోల్​గ్రెయిన్​ ఉండేలా చూసుకుంటే ఈ సమస్య నుంచి బయటపడొచ్చు. అందులోని తృణధాన్యాలు రోగనిరోధక శక్తిని పెంపొందిస్తాయి. అయితే ఈ బ్రెడ్​ను కూడా మితంగానే తీసుకోవాలి. ఎందుకంటే ఇందులో కొన్నిరకాల నూనెలను కలుపుతారు.

బ్రెడ్​ తినేటప్పుడు తీసుకోవాల్సి జాగ్రత్తలు..

బ్రెడ్​ తినేటప్పుడు కొన్ని జాగ్రత్తలు తప్పనిసరిగా తీసుకోవాలి. బ్రెడ్​ ఎంపికలో, నిల్వ చేయడంపై ప్రత్యేక దృష్టిపెట్టాలి. వీటికి జామ్, బటర్​లు పెట్టుకోకుండా తినాలి.

• " class="align-text-top noRightClick twitterSection" data="">

ఇదీ చూడండి: Bran Uses: తవుడు.. పోషకాల తోడు