పొటాటో వెడ్జెస్ రెస్టారెంట్లలో రుచి చూసి ఉంటాం కానీ, ఇంట్లో ట్రై చేస్తే ఆ రుచి రావట్లేదేంటీ అనుకుంటాం. మరి ఆ తయారీ సీక్రెట్ ఏంటో చూసి.. ఓ సారి ట్రై చేయండి..
కావల్సినవి
- బంగాళాదుంపలు - మూడు
- మైదా - అరకప్పు
- ఎండుమిర్చి గింజలు - చెంచా
- కసూరీమేథీ - అరచెంచా
- చాట్‌మసాలా - ముప్పావుచెంచా
- ఉప్పు - తగినంత
- నూనె - వేయించేందుకు సరిపడా
తయారీ
బంగాళాదుంపల్ని కడిగి.. తుడిచి పొడవాటి ముక్కల్లా కోసుకోవాలి. ఓ గిన్నెలో సగం వరకూ నీళ్లు తీసుకుని అరచెంచా ఉప్పు వేసి పొయ్యిమీద పెట్టాలి. నీళ్లు మరిగాక బంగాళాదుంప ముక్కల్ని వేయాలి. అవి ముప్పావు వంతు ఉడికాక దింపేసి నీళ్లు వంపేయాలి. అవి తడిలేకుండా చూసుకోవాలి. ఇప్పుడు ఓ గిన్నెలో నూనె తప్ప మిగిలిన పదార్థాలన్నీ తీసుకుని కలపాలి. అందులో బంగాళాదుంప ముక్కల్ని ముంచి.. కాగుతోన్న నూనెలో వేయాలి. ఎర్రగా వేగాక తీసేయాలి. కావాలనుకుంటే పైన కొద్దిగా ఉప్పు చల్లుకోవచ్చు. వీటిని పిల్లలకు స్నాక్స్‌లా ఇవ్వొచ్చు.
ఇదీ చదవండి: 'చికెన్‌ ఘీ రోస్ట్‌'.. తింటే వదల్లేని టేస్ట్!
