ఎన్ని కూరలున్నా నాన్వెజ్కు ఉండే క్రేజ్ వేరు. అందులో చికెన్ గురించి వేరే చెప్పనక్కర్లేదు. అయితే ఆ చికెన్ను ఎప్పుడూ ఒకేలా చేస్తే తినాలంటే.. బోరు కొడుతుంది. అందుకే కాస్త డిఫరెంట్గా రెస్టారెంట్ స్టైల్లో 'పెప్పర్ చికెన్ ఫ్రై' చేసుకోండిలా..
కావాల్సినవి
బోన్లెస్ చికెన్, పుదీనా, కొత్తిమీర, పచ్చి మిర్చి, కారం, అల్లం-వెల్లుల్లి పేస్ట్, ఉప్పు, మిరియాలు, లవంగాలు, దాల్చిన చెక్క, గుడ్డు, బియ్యం పిండి, మైదా పిండి, కార్న్ఫ్లోర్.
తయారీ విధానం
ముందుగా ఒక గిన్నెలో కట్ చేసుకున్న చికెన్ ముక్కలు, కట్ చేసుకున్న పుదీనా, కొత్తిమీర, పచ్చి మిర్చి, కారం, అల్లం-వెల్లుల్లి పేస్ట్, ఉప్పు వేసుకోవాలి. తర్వాత ఒక పాన్లో మిరియాలు, లవంగాలు, దాల్చిన చెక్క వేసి వేగిన తర్వాత చాపింగ్ బోర్డ్పైన వేసి కొంచెం ఉప్పు కలిపి క్రష్ చేసుకోవాలి. తర్వాత చికెన్ ఉన్న బౌల్లో క్రష్ చేసిన మిరియాలు, లవంగాలు, దాల్చిన చెక్క పొడి వేసి.. కార్న్ఫ్లోర్, మైదా పిండి, బియ్యం పిండి, ఓ కోడిగుడ్డు వేసి కలుపుకోవాలి.
ఇప్పుడు ఒక పాన్లో నూనె వేడెక్కాక అందులో అన్ని కలిపి పెట్టుకున్న చికెన్ ముక్కలు వేసి.. ఫ్రై చేసుకుంటే రెస్టారెంట్ స్టైల్లో క్రిస్పీగా పెప్పర్ చికెన్ రెడీ అవుతుంది.
- " class="align-text-top noRightClick twitterSection" data="">
ఇదీ చూడండి: ప్రాన్స్ 65.. రుచిగా.. కరకరలాడుతూ..
