కారణాలేవైనా కొందరికి జుట్టురాలే సమస్య ఎక్కువగా ఉంటుంది. వీరు పోషకాహారం తీసుకోవడంతో పాటు దానిపై కొంత శ్రద్ధ పెట్టాలి. ఆలివ్ నూనెలో యాంటీఆక్సిడెంట్లు ఎక్కువగా ఉంటాయి. ఇవి మాడుని ఆరోగ్యంగా ఉంచుతాయి. జుట్టు ఎదుగుదలకు దోహదపడుతాయి. వారానికి రెండు మూడు సార్లు ఆలివ్నూనెని తలకు రాసుకుని కాసేపు మర్దన చేయండి. రక్తప్రసరణ వల్ల ఫాలికల్స్ ఉత్తేజితమై రాలిన జుట్టు తిరిగి వస్తుంది.
- ఆలివ్ ఆయిల్... జుట్టుకి తగిన తేమ అందిస్తుంది. చుండ్రుని అరికడుతుంది. దాంతో జుట్టు రాలడం అదుపులోకి వస్తుంది. ఆలివ్, కొబ్బరినూనెల్ని సమపాళ్లలో కలిపి వేడి చేయాలి. దీన్ని గోరువెచ్చగా ఉన్నప్పుడు తలకు పట్టిస్తే మంచిది.
- జుట్టు ఎండిపోయి పీచులా కనిపిస్తుంటే ఇలా చేయండి. నాలుగు టేబుల్ స్పూన్ల ఆలివ్ నూనెలో చెంచా బాదం నూనె, కొద్దిగా కర్పూరం కలిపి మాడు నుంచి చివరి వరకూ పట్టించండి. మృదువుగా మర్దన చేసి తలస్నానం చేయండి. వెంట్రుకలు చిట్లిపోకుండా ఉంటాయి. ఆరోగ్యంగా నిగనిగలాడుతాయి.
ఇవీ చూడండి: వ్యాయామం ఆరోగ్యానికి మేలు చేస్తుంది... కానీ!
