నాగర్కర్నూలు జిల్లా వంగూరు మండలం కొండారెడ్డిపల్లి శివారులోని వంకబాయి వద్ద గుర్తు తెలియని వ్యక్తులు..శిశువును సంచిలో పెట్టి వదిలేసిన ఘటన చోటుచేసుకుంది. రోడ్డు పక్కన చిన్నారి ఏడుపు వినిపించడంతో... పశువుల కాపరులు, యువకులు ఐసీడీఎస్ అధికారులకు సమాచారం అందించారు. ఆశా కార్యకర్త, ఐసీడీఎస్ సిబ్బంది సహకారంతో... ప్రభుత్వ ఆసుపత్రికి తరలించి చికిత్స అందించారు.
వర్షంలో వదిలేయడం వల్ల చలికి వణకుతున్నట్టు డాక్టర్ శివరాం, డాక్టర్ రమేష్ తెలిపారు. అందుకు తగిన విధంగా హీటర్పై ఉంచి వైద్యం అందిచినట్టు తెలిపారు. శిశువు ఆరోగ్యంగానే ఉన్నట్టు వెల్లడించారు. అనంతరం ఐసీడీఎస్ అధికారులకు అప్పగించి మహబూబ్నగర్ శిశు విహార్ కేంద్రానికి తరలించనున్నట్టు వైద్యులు చెప్పారు.
ఇదీ చూడండి: తల్లి మందలించిందని ఇంటి నుంచి వెళ్లిపోయాడు
