సికింద్రాబాద్​ రైల్వే స్టేషన్​ సమీపంలో మృతదేహం

సికింద్రాబాద్​ రైల్వే స్టేషన్​ పార్కింగ్​ సమీపంలో గుర్తు తెలియని వ్యక్తి మృతదేహం లభించింది. ఎవరికైనా సమాచారం తెలిస్తే గోపాలపురం పోలీసు స్టేషన్​లో సంప్రదించాలని పోలీసులు కోరారు.

సికింద్రాబాద్​ గోపాలపురం పోలీసు స్టేషన్​ పరిధిలో గుర్తుతెలియని వ్యక్తి మృతి చెందిన ఘటన చోటుచేసుకుంది. సికింద్రాబాద్​ రైల్వే స్టేషన్​ ప్రాంగణంలోని పార్కింగ్​ ప్రాంతంలో మృతదేహం లభ్యమైనట్టు పోలీసులు తెలిపారు. అతని వద్ద ఎలాంటి గుర్తింపు ఆధారాలు లభించలేదని పేర్కొన్నారు. పోస్టుమార్టం నిమిత్తం గాంధీ ఆసుపత్రికి తరలించారు.

35 నుంచి 40 సంవత్సరాల మధ్య వయస్తున్న మృతుడు... కొంతకాలంగా రైల్వేస్టేషన్ పరిసరాల్లో ఉంటున్నట్టు పోలీసులు భావిస్తున్నారు. ఏ కారణం చేత చనిపోయాడనే కోణంలో ఆరా తీస్తున్నారు. ఎవరికైనా సమాచారం తెలిసినా, సంబంధీకులు ఉన్నా... గోపాలపురం పోలీసు స్టేషన్​లో సంప్రదించాలన్నారు. కేసు నమోదు చేసుకొని దర్యాప్తు ప్రారంభించారు.

ఇదీ చూడండి: జూన్​ 30 వరకు లాక్​డౌన్.. కొన్నింటికి అనుమతుల్లేవ్