హైదరాబాద్ శంషాబాద్ అంతర్జాతీయ విమానాశ్రయంలో గురువారం కస్టమ్స్ అధికారులు 71.47 గ్రాముల బంగారాన్ని స్వాధీనం చేసుకున్నారు. దుబాయ్ నుంచి వచ్చిన ఓ ప్రయాణికుడిపై అనుమానం వచ్చి తనిఖీలు నిర్వహించిన కస్టమ్స్ అధికారులు అతని వద్ద బంగారం ఉన్నట్లు గుర్తించారు.
ఆ ప్రయాణికుడి ప్యాంట్లో దాచుకున్న బంగారు బిస్కెట్లను స్వాధీనం చేసుకున్నట్లు కస్టమ్స్ అధికారులు తెలిపారు. నిందితుడి వద్ద 71.47 గ్రాముల 12 బంగారు బిస్కెట్లు ఉన్నట్లు శంషాబాద్ ఎయిర్ పోర్ట్ కస్టమ్స్ డిప్యూటీ కమిషనర్‌ శివకృష్ణ వెల్లడించారు. దాని విలువ రూ.3.67 లక్షలు ఉంటుందని అంచనా వేసినట్లు ఆయన వివరించారు.
ఇదీ చదవండి: శంషాబాద్ విమానాశ్రయంలో 5.7 కేజీల ఎర్రచందనం స్వాధీనం
