హైదరాబాద్ చార్మినార్ ఠాణా పరిధిలోని ఓ దుకాణంలో మూడు రోజుల క్రితం చోరీకి పాల్పడిన యువకుడిని పోలీసులు అరెస్ట్ చేశారు. నిందితుడి నుంచి 31లక్షల నగదు, లాప్టాప్, 4 చేతి గడియారాలు, రెండు వెండి గొలుసులు స్వాధీనం చేసుకున్నారు.
ఫలక్నుమాకు చెందిన నసీర్ అనే యువకుడు హోటళ్లు, వస్త్రదుకాణాల్లో పనిచేసేవాడు. ఇటీవలే చార్మినార్ రికాబ్ బజార్లోని ఓ దుకాణంలో పనికి కుదిరాడు. పక్కనే ఉన్న దుకాణం యజమాని.. నగదును కౌంటర్లోనే ఉంచి వెళ్తాడని తెలుసుకున్న నసీర్.. దానిపై కన్నేశాడు. ఈ నెల 4న అర్థరాత్రి దుకాణం వెనుక తలుపు పగులగొట్టి.. లోపలికి ప్రవేశించి 35లక్షల నగదు ఎత్తుకెళ్లాడు. సీసీ కెమెరాల ఆధారంగా దర్యాప్తు చేపట్టిన పోలీసులు నిందితుడిని అరెస్ట్ చేశారు. గతంలో ఇతనిపై పలు స్టేషన్లలోనూ చోరీ కేసులున్నాయి.
ఇవీచూడండి: భారత్ బయోటెక్ ల్యాబ్ను సందర్శించిన మంత్రి కేటీఆర్
