మల్కాజిగిరి నేరేడ్మెట్ డిఫెన్స్ కాలనీలో నివాసం ఉంటున్న అమిలియా అనే వృద్ధురాలి ఇంట్లో... ఈనెల 30న ఓ దొంగతనం జరిగినట్లు పోలీసులకు ఫిర్యాదు అందింది. ఫిర్యాదు అందుకున్న పోలీసులు జరిపిన విచారణలో మనమరాలే దొంగతనానికి పాల్పడినట్లు నిర్ధరించారు. నిందితురాలు పెట్రిసియాకు నేరేడ్మెట్కు చెందిన అజయ్ అనే యువకుడితో గత రెండేళ్లుగా ప్రేమలో ఉంది.
చెడు వ్యసనాలకు బానిసైన ప్రియుడు అజయ్ డీజేగా పనిచేసేవాడు. అయితే లాక్డౌన్ కారణంగా పనులు లేక డబ్బులకు ఇబ్బందులు ఎదురవ్వడం వల్ల ప్రేమికురాలి చైన్ తీసుకుని అమ్మేశాడు. అప్పటికీ... డబ్బులు సరిపోకపోవడంతో ప్రియురాలితో కలిసి... వాళ్ల నాయనమ్మ ఇంట్లోనే 18 తులాల బంగారం దొంగతనం చేసి.. ఇద్దరు కటకటాల పాలయ్యారు. పోలీసులు నిందితుని వద్ద నుంచి బంగారం స్వాధీనం చేసుకుని వారిని రిమాండ్కు తరలించారు.
- ఇదీ చదవండి: రైతన్న ఆక్రోశం.. దోమ సోకిన పంటకు నిప్పు
