సంగారెడ్డి జిల్లా కిష్టారెడ్డిపేటలో హెచ్డీఎఫ్సీ ఏటీఎం చోరీకి యత్నించిన దుండగులను ఘటనా స్థలంలోనే పోలీసులు పట్టుకున్నారు. గత రాత్రి ఇద్దరు దుండగులు గ్యాస్ కట్టర్ సహాయంతో ఏటీఎం యంత్రాన్ని పగలగొట్టి నగదు దొంగిలించేందుకు ప్రయత్నించారు. ఏటీఎం మిషన్ను పగలగొట్టే సమయంలో పోలీసులకు సమాచారం అందింది.
ఘటనా స్థలంలోనే...
వెంటనే స్పందించిన అమీన్పూర్ పోలీసులు కిష్టారెడ్డిపేట్ పరిధిలోని హెచ్డీఎఫ్సీ ఏటీఎంకు చేరుకున్నారు. అనంతరం ఘటనా స్థలంలోనే నిందితులను రెడ్ హ్యాండెడ్గా పట్టుకున్నారు.
ఆ సమాచారం గోప్యం..
నిందితులను అదుపులోకి తీసుకున్న సమాచారాన్ని పోలీసులు రహస్యంగా ఉంచారు. ఇటీవలే పటాన్చెరు ప్రాంతంలోని ఎస్బీఐ సహా ఇతర ఏటీఎంల్లో చోరీ యత్నాలు పెరిగాయి.
ఆ కోణంలోనూ దర్యాప్తు...
ఈ నేపథ్యంలో ఆయా ఏటీఎంల నిందితులకు ఏమైనా సంబంధాలున్నాయా... అనే కోణంలో పోలీసులు విచారణ జరుపుతున్నారు. నిందితులను రహస్య ప్రదేశంలో అమీన్పూర్ పోలీసులు దర్యాప్తు కొనసాగిస్తున్నారు.
