ఏపీలోని విజయవాడ శివారులో అర్ధరాత్రి తుపాకీ కాల్పులు కలకలం రేపాయి. పోలీస్ కమిషనర్ కార్యాలయంలో విధులు నిర్వహిస్తున్న మహేశ్ అనే వ్యక్తిని గుర్తు తెలియని వ్యక్తులు తుపాకీతో కాల్చి చంపారు. నగర శివారు బైపాస్రోడ్డు సమీపంలో ఉన్న ఓ బార్ వద్ద ఘటన జరిగింది. విషయం తెలుసుకున్న పోలీసు కమిషనర్ శ్రీనివాసులు... ఘటనా స్థలానికి చేరుకొని పరిశీలించారు.
హత్య వివరాలను సిబ్బందిని అడిగి తెలుసుకున్నారు. క్లూస్టీం ఆధారాలను సేకరించింది. నిందితుల కోసం ప్రత్యేక బృందాలను ఏర్పాటు చేసి గాలిస్తున్నట్లు సమాచారం. ప్రశాంతంగా ఉండే విజయవాడలో తుపాకీ కాల్పులు జరగటం చర్చనీయాంశంగా మారింది.
