వివాహేతర సంబంధమే యువకుని దారుణహత్యకు దారి తీసిందని పెద్దపల్లి డీసీపీ రవీందర్ పేర్కొన్నారు. హత్యకు పాల్పడ్డ ముగ్గురు నిందితులను పోలీసులు అరెస్ట్ చేశారు. పోలీసుల కథనం ప్రకారం..
ధర్మారం మండలం నందిమేడారం గ్రామానికి చెందిన రమేష్.. పెద్దపల్లి జిల్లా అంతర్గాం మండలం మద్దిరాల శివారులో ఈ నెల 18న రమేశ్ దారుణ హత్యకు గురయ్యాడు. తన బంధువుల ఇంటికి రమేష్ వచ్చాడన్న విషయం తెలుసుకున్న సదరు మహిళ కుటుంబ సభ్యులు.. అతడిని హతమార్చాలనే ఉద్దేశంతో అదే రోజు పోతురాజుల రాజు, శ్రీను, వేణు కారులో మద్దిరాలకు వచ్చారు. పొలంలో పనిచేస్తున్న రమేశ్పై కత్తులతో దాడి చేసి అతి దారుణంగా హతమార్చినట్లు పోలీసులు వెల్లడించారు. నిందితులను అరెస్ట్ చేసి వారి నుంచి కారుతో పాటు హత్యకు ఉపయోగించిన రెండు కత్తులను స్వాధీనం చేసుకున్నారు.
ఇదీ చూడండి:విద్యార్థిని అదృశ్యం: మౌఖిక ఎటెళ్లినట్టు.. ఏమైనట్టు?
