వివాహ వేడుకలో వివాదం.. విచక్షణారహితంగా దాడి

ప్రశాంతంగా ఉండే తండా ఒక్కసారిగా రణరంగమైంది. వివాహ వేడుకలో తలెత్తిన వివాదం ఉద్రిక్తతకు దారి తీసింది. ఇరువర్గాల దాడిలో ముగ్గురికి తీవ్రగాయాలవ్వగా.. ఒకరి పరిస్థితి విషమంగా ఉంది.

మహబూబ్ నగర్ జిల్లా ఓబ్లాయపల్లి తండాలో ఘర్షణ వాతావరణం ఏర్పడింది. మూడు రోజుల క్రితం జరిగిన వివాహ వేడుకలో వివాదం కారణంగా ఓ ఇంటిపై కొంతమంది దాడికి దిగారు. ఆ ఇంట్లో ఉన్నవారిపై కర్రలు, కట్టెలతో విచక్షణారహితంగా దాడి చేశారు. ఇందులో ముగ్గురుకి తీవ్ర గాయాలవ్వగా.. ఒకరి పరిస్థితి విషమంగా ఉంది. బాధితులను చికిత్స నిమిత్తం జిల్లా ప్రభుత్వ ఆస్పత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

ఇవీ చూడండి: నన్నే భోజనానికి పిలవవా? అంటూ స్నేహితుడిపై కత్తి దాడి