అన్నను రోకలిబండతో కొట్టి హతమార్చిన చెల్లెలు

మద్యానికి బానిసై ఆస్తి ఇవ్వమని తల్లిని వేధిస్తున్న అన్నను చెల్లి హతమార్చిన ఘటన ఏపీలోని గుంటూరు జిల్లా రేగులగడ్డలో జరిగింది. మద్యం తాగొచ్చి తల్లిపై చేయి చేసుకోబోయిన అన్నను రోకలిబండతో కొట్టి చంపింది. దీనిపై పోలీసులు కేసు నమోదు చేసి దర్యాప్తు చేస్తున్నారు.

మద్యానికి బానిసై ఆస్తి ఇవ్వమని తల్లిని వేధిస్తున్నాడనే కారణంతో అన్నను చెల్లెలు హతమార్చింది. దీనికి సంబంధించి పోలీసులు తెలిపిన వివరాలు ఇలా ఉన్నాయి.

ఏపీలోని గుంటూరు జిల్లా ఫిరంగిపురం మండలం కండ్రిక శివారు రేగులగడ్డకు చెందిన గుంజి నాగమ్మ, వెంకటేశ్వర్లు దంపతులకు పోతురాజు, ఆదిలక్ష్మి ఇద్దరు సంతానం. వారిద్దరికీ పెళ్లిళ్లయ్యాయి. పోతురాజు మద్యం తాగుతున్నాడనే కారణంతో అతని భార్య దూరంగా ఉంటోంది. ఇక ఆదిలక్ష్మి వివిధ కారణాలతో భర్త నుంచి దూరమై కొన్నేళ్లుగా తల్లి వద్ద ఉంటోంది.