హైదరాబాద్-బీజాపూర్ రహదారిపై ఆర్టీసీ బస్సు ద్విచక్రవాహనాన్ని ఢీకొనడంతో ఓ యువకుడు దుర్మరణం చెందాడు. రంగారెడ్డి జిల్లా చేవెళ్ల మండలం కందవాడ గ్రామ స్టేజ్ వద్ద ఈ ప్రమాదం చోటుచేసుకుంది. ఈ ఘటనకు కిలోమీటర్ దూరంలోనే ఉదయం జరిగిన రోడ్డు ప్రమాదంలో ఏడుగురు మృత్యువాత పడ్డారు.
మృతుడు మండలంలోని ఉరేళ్ల గ్రామానికి చెందిన సునీల్గా గుర్తించారు. అతను గచ్చిబౌలిలోని కాంటినెంటల్ ఆస్పత్రిలో పనిచేస్తున్నాడు. విధులు ముగించుకుని తిరిగి వస్తుండగా ఈ ఘటన జరిగింది. అతనొక్కడే సంతానం కావడంతో కుటుంబానికి ఆసరాగా ఉన్న కుమారున్ని కోల్పోయామని తల్లిదండ్రులు విషాదంలో మునిగిపోయారు.
