చెట్టును ఢీ కొట్టిన లారీ.. ఇద్దరికి తీవ్రగాయాలు

మంచిర్యాల జిల్లా హాజీపూర్ మండలంలోని 63వ జాతీయ రహదారిపై ప్రమాదం జరిగింది. ఈ ఘటనలో ఇద్దరికి తీవ్ర గాయాలయ్యాయి. కేసు నమోదు చేసిన పోలీసులు క్షతగాత్రులను జిల్లా ప్రభుత్వ ఆసుపత్రికి తరలించారు.

నిద్రమత్తులో ఉన్న డ్రైవర్​ లారీని చెట్టుకు ఢీ కొట్టిన ఘటన మంచిర్యాల జిల్లాలోని హాజీపూర్ మండలం ముత్యంపేట్​-దొనబండ మార్గం మధ్యలో జరిగింది. ఈ ఘటనలో డ్రైవర్ జైతు, క్లీనర్ రమేష్​లకు తీవ్ర గాయాలయ్యాయి.

జిల్లాలోని ర్యాలీగడ్​పూర్​​ గ్రామానికి చెందిన డ్రైవర్​ ఆత్రం జైతు, క్లీనర్​ మాండవి రమేష్​ AP 07 TH 8023 నంబర్ గల లారీలో వేరే ప్రాంతానికి వెళుతున్నారు. ఆ క్రమంలో హాజీపూర్​ మండలం 63వ జాతీయ రహదారిలోని ముత్యంపేట్​-దొనబండ మార్గం మధ్యలో నిద్రమత్తులో ఉన్న జైతు రోడ్డు పక్కనే ఉన్న చెట్టుకు ఢీ కొట్టాడు. ఈ ప్రమాదంలో డ్రైవర్ లారీ క్యాబిన్​లో ఇరుక్కుపోవడంతో సుమారు మూడు గంటల తర్వాత జేసీబీ సహాయంతో బయటకు తీసారు. కేసు నమోదు చేసుకున్న పోలీసులు క్షతగాత్రులను మంచిర్యాల ప్రభుత్వ ఆసుపత్రికి తరలించారు.

ఇదీ చదవండి: ఈనెల 11న మంత్రులు, కలెక్టర్లతో సీఎం కేసీఆర్ సమీక్ష