మంచిర్యాల జిల్లా కన్నెపల్లి మండలంలో బుధవారం రాత్రి ఘోర రోడ్డు ప్రమాదం చోటు చేసుకుంది. ద్విచక్ర వాహనాన్ని లారీ ఢీకొట్టడంతో దంపతులతో పాటు మరో మహిళ అక్కడికక్కడే మృతి చెందారు.
కన్నెపల్లి మండలం మక్కంపల్లి గ్రామానికి చెందిన బైరి తిరుమయ్య(50), కళావతి(45)తో పాటు మరో మహిళ మల్లక్క(55)బుధవారం రాత్రి కన్నెపల్లి నుంచి ముక్కెంపల్లి వరకు ద్విచక్రవాహనంపై వెళ్తున్నారు. ఈ క్రమంలో మక్కంపల్లి నుంచి కన్నెపల్లికి వస్తున్న లారీ.. ద్విచక్ర వాహనాన్ని ఢీకొట్టింది. వీరు ముగ్గురు తమ పేరు మీద ఉన్న రెండెకరాల పొలాన్ని ఇటీవల విక్రయించారు. అమ్మిన వ్యక్తి పేరు మీద రిజిస్ట్రేషన్ చేయించి తిరిగి వస్తున్న క్రమంలో ఈ ప్రమాదం చోటుచేసుకుంది. ఈ ఘటనలో ముగ్గురు అక్కడికక్కడే ప్రాణాలు కోల్పోయారు.
గ్రామం నుంచి ప్రజలంతా భారీగా తరలివచ్చారు. ముగ్గురు మృతి చెందడంతో గ్రామంలో విషాద ఛాయలు నెలకొన్నాయి. ఘటనా స్థలాన్ని తాండూరు సీఐ బాబురావు పరిశీలించారు.
ఇదీ చూడండి: పంట పొలాల్లో గుర్తు తెలియని వ్యక్తి ఆత్మహత్య
