సూర్యాపేట జిల్లా మద్దిరాల మండలంలోని ముకుందాపురంలో దారుణం చోటుచేసుకుంది. మద్యం మత్తులో ఉన్న ఓ వీఆర్ఏ.. మానసిక వికలాంగురాలైన మైనర్ బాలికపై అత్యాచారానికి పాల్పడ్డాడు.
ఆత్మకూరు(ఎస్) మండలానికి చెందిన మానసిక వికలాంగురాలైన మైనర్ బాలిక దసరా పండుగ సందర్భంగా తన అమ్మమ్మ గ్రామమైన ముకుందాపురానికి వచ్చింది. ఈ క్రమంలో గ్రామానికి చెందిన వీరయ్య అనే వీఆర్ఏ మద్యం మత్తులో ఒంటరిగా కనిపించిన బాలికపై అత్యాచారానికి పాల్పడ్డాడు. విషయాన్ని బాలిక తన కుటుంబ సభ్యులకు చెప్పగా ఆమె తాతయ్య పగిళ్ల సత్తయ్య పోలీసులకు ఫిర్యాదు చేశారు.
కేసు నమోదు చేసుకున్న ఎస్సై దర్యాప్తు చేస్తునట్లు తెలిపారు. మహిళలు, చిన్నారుల రక్షణకు ప్రభుత్వం ఎన్ని చట్టాలు తెచ్చినా.. ఇలాంటి ఘటనలు తరచూ జరుగుతూనే ఉన్నాయని.. ఇలాంటి కామాంధులను కఠినంగా శిక్షించాలని పలు మహిళా సంఘాలు డిమాండ్ చేశాయి.
ఇదీ చూడండి.. 'హత్య చేసి మృతదేహాన్ని గోనె సంచిలో దాచిపెట్టారు'
