విద్యుదాఘాతంతో వ్యక్తి మృతి

ఇంటి నిర్మాణ పనులు చేస్తుండగా ప్రమాదవశాత్తు విద్యుత్​ తీగలు తగిలి వ్యక్తి మృతి చెందిన ఘటన సంగారెడ్డి జిల్లాలో చోటుచేసుకుంది.

సంగారెడ్డి జిల్లా నాగలిగిద్ద మండలం కరస్​గుత్తిలో విషాదం చోటుచేసుకుంది. విద్యుదాఘాతంతో మహమ్మద్​ జావేద్ అనే వ్యక్తి మృతి చెందాడు.

తాపీ మేస్త్రీగా పని చేసే జావేద్​ అదే మండలంలోని ఇరకపల్లి లష్కర్​తండాలో ఓ ఇంటి నిర్మాణ పనులు చేస్తున్నాడు. ఈ క్రమంలో మంగళవారం సాయంత్రం ఇంటి పైకప్పు వేస్తుండగా ప్రమాదవశాత్తు విద్యుత్ తీగలు తగిలాయి. తీవ్ర గాయాలైన జావేద్​ను చికిత్స నిమిత్తం 108 వాహనంలో నారాయణఖేడ్​ ఆస్పత్రికి తరలిస్తుండగా.. మార్గమధ్యలో మృతి చెందాడు.