ఈ నెల 16న పశ్చిమగోదావరి జిల్లా ఏలూరులో వ్యాయామ ఉపాధ్యాయుడు కాటి నాగరాజు అనుమానాస్పద స్థితిలో మృతి చెందారు. ఆయన మరణానికి విష ప్రయోగం కారణమని పోస్టుమార్టం నివేదికలో వెల్లడైంది. ఈ కేసులో పోలీసులు ఒకరిని అదుపులోకి తీసుకున్నారు. అతను మరో ఏడుగురిని అంతమొందించాడని విచారణలో తెలిసింది. నిందితుడు ఏలూరులో 3, తూర్పు గోదావరి జిల్లా రాజమహేంద్రవరం, బొమ్మూరు పరిధిలో 4, కృష్ణాజిల్లాలో ఒకటి చొప్పున హత్యలకు పాల్పడినట్లు సమాచారం.
ప్రత్యేకతలు ఉన్న నాణేలు, రెండు తలల పాముల పేరిట పలువురిని నిందితుడు మోసం చేసేవాడు. ఈ క్రమంలో తన సంగతిని పసిగట్టిన వారిని, నమ్మకంగా వేర్వేరు చోట్లకు రప్పించి, ఆహార పదార్థాలు, శీతల పానీయాల్లో విషం పెట్టి అందించేవాడని, దానిని తీసుకున్న వారు కొద్ది క్షణాల్లోనే ప్రాణాలు విడిచే వారని సమాచారం.
ఇదీ చదవండి: నేడు ఆర్టీసీ సమ్మెపై హైకోర్టులో మరోసారి విచారణ
