జనగామ - సూర్యాపేట జాతీయ రహదారిపై ద్విచక్రవాహనం, ఓమిని గురువారం రాత్రి ఢీకొన్నాయి. ఈ ప్రమాదంలో ఒక వ్యక్తి దుర్మరణం చెందగా... మరొకరికి తీవ్ర గాయాలయ్యాయి. ఆత్మకూరు మండలం పారుపల్లికి చెందిన దయ్యాల జోగయ్య, ఆయన బంధువు మిర్యాల నర్సింహులు ద్విచక్రవాహనంపై దేవరుప్పుల మండలంలోని కామారెడ్డిగూడెంలో బంధువుల ఇంటికి వెళ్తున్నారు. లింగాలఘనపూర్ మండలం నెల్లుట్ల ఓం శాంతి పత్తి మిల్లు వద్ద అదుపు తప్పి ద్విచక్రవాహనం, ఓమిని ఢీకొన్నాయి.
ఈ ప్రమాదంలో జోగయ్య తలకు తీవ్ర గాయమై అక్కడికక్కడే మృతి చెందాడు. మిర్యాల నర్సింహులు కాలు విరిగింది. క్షతగాత్రుడిని జనగామ జిల్లా ఆస్పత్రికి తరలించారు.
ఇదీ చదవండి: జగిత్యాలలో దంపతుల ఆత్మహత్య... కరోనానే కారణమా...?
