ద్విచక్రవాహనం కొందామనుకొని హైదరాబాద్ నామాల గుండు ఉప్పర్ బస్తీకి చెందిన రాజు ఓఎల్ఎక్స్లో వెతికాడు. అందులో ఓ వాహనం నచ్చి... దాని యజమానిని సంప్రదించాడు. అతను తాను మిలిటరీలో పని చేస్తున్నానని... హైదరాబాద్ నుంచి బదిలీ అయిందని... అందుకే రూ.30వేలకే అమ్ముతున్నాని చెప్పాడు. అది నమ్మిన రాజు బేరమాడి... ముందు కొంత అడ్వాన్స్‌గా పంపించాడు.
ఆ తర్వాత ఆర్మీ క్యాంప్ గేట్ పాస్ దాటడానికి కొంత టాక్స్ అని... ఇతరత్రా చెప్పి రూ.73వేల వరకు రాజు నుంచి తన ఖాతాలోకి జమ చేసుకున్నాడు ఆ సైబర్ మోసగాడు. ఎంతసేపటికి ఫోన్ తీయకపోవడంతో... మోసపోయానని తెలుసుకున్న బాధితుడు సైబర్ క్రైమ్ పోలీసులకు ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు ప్రారంభించారు.
