తెలంగాణ- ఛత్తీస్గడ్ అటవీ సరిహద్దు ప్రాంతంలో భద్రత బలగాలు భారీ ఎత్తున మావోయిస్టుల కోసం గాలింపు చర్యలు చేపట్టారు. దండకారణ్యంలో భారీగా బేస్ క్యాంపులు ఏర్పాటు చేసుకుని మావోయిస్టుల ఏరివేతకు చర్యలు చేపట్టారు. ఈ నేపథ్యంలో ప్రతి రోజు దండకారణ్యంలోకి వెళ్లి మావోయిస్టుల ఏరివేతకు భారీ కుంబింగ్ నిర్వహిస్తున్నారు.
ఇవాళ నిర్వహించిన కుంబింగ్లో ఛత్తీస్గడ్ బీజాపూర్ జిల్లా పరిధిలోని కమలాపూర్ అటవీ ప్రాంతంలో పోలీసులకు మావోయిస్టులకు మధ్య ఎదురుకాల్పులు జరిగాయి. ఈ కాల్పుల్లో ఓ మావోయిస్టు మృతి చెందాడు. ఘటనా స్థలంలో 2 ఆయుధాలు, పేలుడు పదార్థాలు పోలీసులు స్వాధీనం చేసుకున్నారు.
