అవినీతి ఆరోపణలు రుజువై కమలాపూర్​ సీఐ రవిరాజాపై సస్పెన్షన్​ వేటు

వరంగల్​ అర్బన్​ జిల్లా కమలాపూర్​ సీఐ రవిరాజాకు సస్పెన్షన్​ వేటు పడింది. అతనిపై వచ్చిన పలు అవినీతి ఆరోపణలు రుజువు కావడం వల్ల అతన్ని సస్పెండ్​ చేస్తున్నట్లు ఐజీ ప్రమోద్​కుమార్​ తెలిపారు.

వరంగల్​ అర్బన్​ జిల్లా కమలాపూర్​ సీఐ డి. రవిరాజాను సస్పెన్షన్​ చేస్తూ వరంగల్​ ఐజీ, ఇన్​ఛార్జి పోలీస్​ కమిషనర్​ ప్రమోద్​కుమార్​ ఉత్తర్వులు జారీ చేశారు. సుమారు 13 నెలలుగా రవిరాజా కమలాపూర్​ ఇన్​స్పెక్టర్​గా విధులు నిర్వర్తిస్తున్నారు. అతనిపై వచ్చిన పలు అవినీతి ఆరోపణలు రుజువుకాగా సస్పెన్షన్​ వేటు పడింది.

ఇసుక వ్యవహారంతో పాటు పలు కేసుల విషయంలో డబ్బులు వసూలు చేస్తున్నారనే వాదనలు వినిపిస్తున్నాయి. అయితే గతంలోనే ఉన్నతాధికారులు హెచ్చరించినట్లు తెలిసింది. అయినా అతని తీరు మారకపోవడం వల్ల అధికారులు సస్పెన్షన్​ చేస్తూ ఉత్తర్వులు జారీ చేశారు.

ఇదీ చూడండి: వ్యవసాయ డిప్లొమా కోర్సులకు రెండో విడత కౌన్సెలింగ్