హైదరాబాద్లోని బంగారం షాపుల్లో భారీ చోరీలకు పాల్పడుతున్న దొంగల ముఠాను సైబరాబాద్ పోలీసు అరెస్ట్ చేశారు. నగరం చుట్టుపక్కల ఉన్న బంగారం దుకాణాలను లక్ష్యంగా చేసుకొని చోరీలకు పాల్పడ్డారని సీపీ సజ్జనార్ తెలిపారు.
10 మంది సభ్యులతో కూడిన ముఠా ఉత్తర్ప్రదేశ్‌ నుంచి వచ్చింది. ఈ ముఠాకు సఖి అహ్మద్ అనే వ్యక్తి నాయకుడు. 15 రోజుల్లో రెండు బంగారు దుకాణాల్లో దొంగతనానికి ప్రయత్నించారు. మూడో ప్రయత్నంలో మా క్లూస్, సీసీటీవీ కెమెరాల ఆధారంగా ఈ ముఠాను పట్టుకున్నాం. -సజ్జనార్ ,సీపీ
బంగారం షాపు యాజమానులు సెక్యూరిటీ సిస్టం, అలారం ఏర్పాటు చేసుకోవాలన్నారు. ప్రతి దుకాణం వద్ద సెక్యూరిటీతో పాటు సీసీ కెమెరాలను ఏర్పాటు చేసుకోవాలని సూచించారు.
ఇదీ చదవండి: మహిళల్లో కరోనా ప్రభావం తక్కువ.. కారణం అదే!
