హయత్​నగర్​లో ఇంటర్​ విద్యార్థిని అదృశ్యం...!

ఆన్​లైన్​ క్లాసులు అర్థంకావటం లేదని చెప్పినందుకు తల్లి మందలించగా... మనస్తాపంతో ఓ ఇంటర్​ విద్యార్థిని ఇంట్లో నుంచి వెళ్లిపోయింది. ఈ ఘటన మంగళవారం జరగ్గా... నేటికీ ఆచూకీ దొరకకపోవటం వల్ల పోలీసులకు విద్యార్థిని తల్లిదండ్రులు ఫిర్యాదు చేశారు. అదృశ్యం కేసు నమోదు చేసుకున్న పోలీసులు.. దర్యాప్తు చేస్తున్నారు.

రంగారెడ్డి జిల్లా హయత్​నగర్ పోలీస్​స్టేషన్ పరిధిలోని తొర్రుర్​కు చెందిన విద్యార్థిని అదృశ్యమైంది. ఇంటర్ మొదటి సంవత్సరం చదువుతున్న అమ్మాయి... ఆన్​లైన్​ క్లాస్ అర్థం కావడం లేదని తల్లికి చెప్పింది. తెల్లారితే పరీక్ష పెట్టుకుని క్లాస్​ అర్థంకావటంలేదని చెప్పటమేంటని కూతురిని ఆ తల్లి మందలించింది.

మందలింపుతో మనస్తాపం...

తల్లి మందలింపుతో మనస్తాపం చెందిన మౌనిక... మంగళవారం ఉదయం ఇంట్లో నుంచి వెళ్లిపోయింది. విషయం తెలుసుకున్న తల్లిదండ్రులు... అన్ని చోట్ల వెతికినా లాభం లేకపోయింది. నిన్నటి వరకూ... ఆచూకీ లభ్యం కాకపోవటం వల్ల తల్లితండ్రులు హయత్​నగర్ పోలీస్​స్టేషన్​లో ఫిర్యాదు చేశారు. అదృశ్యం కేసు నమోదు చేసుకున్న పోలీసులు... సీసీ కెమెరాలలో నిక్షిప్తమైన దృశ్యాలు, ఇతర సమాచారంతో దర్యాప్తు చేస్తున్నారు.

ఇదీ చూడండి: కుమారుడి కోసం ఏడాదిన్నరగా పరితపిస్తున్న తల్లిదండ్రులు