అక్రమంగా తరలిస్తున్న తంబాకు పట్టివేత!

ఆదిలాబాద్​ నుంచి మహారాష్ట్రకు అక్రమంగా తరలిస్తున్న నిషేధిత తంబాకు పొట్లాలను సారంగాపూర్​ పోలీసులు స్వాధీనం చేసుకున్నారు. దాదాపు రెండున్నర లక్షల విలువ చేసే నిషేధిత తంబాకు పొట్లాలను, వాటిని తరలిస్తున్న వాహనాన్ని అదుపులోకి తీసుకున్నట్టు పోలీసులు తెలిపారు.

నిర్మల్​ జిల్లా సారంగాపూర్​ మండల పరిధిలోని స్వర్ణ గ్రామ శివారులో ఆదిలాబాద్​ నుంచి మహారాష్ట్రలోని హిమాయత్​ నగర్​కు అక్రమంగా తరలిస్తున్న నిషేధిత తంబాకు పొట్లాలను పోలీసులు పట్టుకున్నారు. సారంగాపూర్​ పరిధిలోని స్వర్ణ గ్రామ శివారులో సీసీఎస్​ సీఐ రమేష్​ బాబు ఆధ్వర్యంలో వాహన తనిఖీలు చేపట్టారు. తనిఖీల్లో భాగంగా ఎంహెచ్ 26 బీ, 5785 అనే బొలెరో వాహనాన్ని సోదా చేయగా.. అందులో రూ.2,19,120 విలువ చేసే నిషేధిత తంబాకు పొట్లాలను స్వాధీనం చేసుకున్నారు. వాహనాన్ని, డ్రైవర్​ను అదుపులోకి తీసుకొని కేసు నమోదు చేసి దర్యాప్తు చేస్తున్నట్టు ఎస్సై రాం నర్సింహారెడ్డి తెలిపారు.

ఇదీ చూడండి : ఉత్తమ్ సాక్షిగా కాంగ్రెస్ నేతల మాటల యుద్ధం!