సైబర్ నేరగాళ్ల బారిన పడి ప్రభుత్వ పాఠశాల ఉపాధ్యాయురాలు నగదు పోగొట్టుకున్న సంఘటన ఏపీలోని కృష్ణా జిల్లా గన్నవరంలో జరిగింది. గన్నవరం ఎస్టీబీఎల్ కాలనీలో ఉంటున్న తమ్మలూరి శివకుమారి.. వీరపనేని గూడెం ప్రభుత్వ పాఠశాలలో హిందీ ఉపాధ్యాయురాలుగా విధులు నిర్వర్తిస్తున్నారు. ఆమెకు సైబర్ నేరగాళ్లు పలుమార్లు ఫోన్ చేసి.. మాయమాటలు చెప్పారు.
వారి మాటలు నిజమని నమ్మిన శివకుమారి... తన ఫోన్కు వచ్చిన ఓటీపీని వారికి చెప్పింది. ఇంకేముంది.. క్షణాల్లో ఆమె అకౌంట్ నుంచి రూ. 25 వేలు దోచుకున్నారు. ఖాతా నుంచి నగదు విత్డ్రా అయినట్లు వచ్చిన మెసేజ్ చూసి ఖంగుతిన్న శివకుమారి... గన్నవరం పోలీసులను ఆశ్రయించారు. ఘటనపై కేసు నమోదు చేసుకొని.. పోలీసులు దర్యాప్తు ప్రారంభించారు.
- ఇదీ చదవండి : పటాన్చెరు పీఎఫ్ ప్రాంతీయ కార్యాలయంపై సీబీఐ సోదాలు
