విషాదం.. రోడ్డు ప్రమాదంలో నలుగురు మృతి

చిత్తూరు జిల్లా చంద్రగిరి మండలంలో జాతీయ రహదారిపై ఘోర రోడ్డు ప్రమాదం జరిగింది. ఈ ప్రమాదంలో నలుగురు మహిళలు మృతి చెందగా... మరో ఇద్దరికి తీవ్ర గాయాలయ్యాయి.

ఏపీ చిత్తూరు జిల్లాలో ఘోర రోడ్డు ప్రమాదం జరిగింది. చంద్రగిరి మండంలోని ఏ రంగంపేట సమీపంలో ఆటో, కారు ఢీకొన్నాయి. పీలేరు నుంచి తిరుపతికి వస్తున్న ఆటోను... తిరుపతి నుంచి మదనపల్లి వైపు వెళ్తున్న కారు ఢీ కొట్టడంతో ఈ ప్రమాదం జరిగింది. ఈ ఘటనలో ఆటోలో ప్రయాణిస్తున్న నలుగురు మహిళలు అక్కడికక్కడే మృతి చెందారు. మరో ఇద్దరికి తీవ్రగాయాలయ్యాయి.

ఘటనా స్థలానికి చేరుకున్న చంద్రగిరి పోలీసులు క్షతగాత్రులను 108లో రుయా ఆసుపత్రికి తరలించారు. కేసు నమోదు చేసుకున్న పోలీసులు విచారణ చేపట్టారు.

ఇదీ చదవండి: చేతులు మారిన జాగీర్, భూదాన్ భూములు.. చర్యలకు 'సిన్హా' సిఫార్సు