గన్​ఫౌండ్రీలో అగ్నిప్రమాదం.. భారీగా ఆస్తినష్టం

హైదరాబాద్​ గన్​ఫౌండ్రీలో అగ్నిప్రమాదం చోటుచేసుకొంది. హోటల్​ కిచెన్​లో చెలరేగిన మంటలు కాస్త.. పక్కనే ఉన్న చెప్పుల గోదాంలోకి వ్యాపించాయి. సుమారు రూ.20 లక్షల ఆస్తి నష్టం జరిగిందని బాధితులు ఆవేదన వ్యక్తం చేశారు.

హైదరాబాద్ అబిడ్స్ గన్​ఫౌండ్రీలోని ఓ దుకాణంలో అగ్ని ప్రమాదం చోటుచేసుకుంది. మొదట హోటల్ కిచెన్​లో మంటలు చెలరేగి.. పక్కనే ఉన్న చెప్పుల గోదాంలోకి వ్యాపించాయి.

స్థానికుల సమాచారంతో ఘటనా స్థలికి అగ్నిమాపక సిబ్బంది చేరుకున్నారు. రెండు శకటాలతో మంటలను అదుపుచేశారు. గోదాంలో ఉన్న చెప్పులు, హోటల్ ఫర్నీచర్ పూర్తిగా కాలిపోయాయి. సుమారు రూ.20 లక్షల ఆస్తి నష్టం జరిగిందని బాధితులు ఆవేదన వ్యక్తం చేశారు.

ఇవీచూడండి: మియాపూర్​ రిలయన్స్​ డిజిటల్​లో భారీ చోరీ.. షోరూం మూసివేత