ధ్రువీకరణ పత్రం ఇవ్వమని అడిగితే కత్తితో పొడిశారు!

ధ్రువీకరణ పత్రం ప్రాణం మీదకు తెచ్చింది. ద్విచక్రవాహనం ధ్రువీకరణ పత్రం ఇవ్వమన్నందుకు ఓ వ్యక్తిపై ఫైనాన్స్​ కంపెనీ సిబ్బంది కత్తితో దాడి చేసింది. ఈ ఘటన సూర్యాపేట జిల్లా కోదాడలో జరిగింది.

సూర్యాపేట జిల్లా కోదాడలోని ఓ ప్రైవేట్ ఫైనాన్స్ కంపెనీ దగ్గర ఫైనాన్స్​పై జంగం సైదులు 2016లో ద్విచక్రవాహనాన్ని కొనుగోలు చేశాడు. ద్విచక్రవాహనంపై ఉన్న అప్పు తీరడం వల్ల బైక్ క్లియరెన్స్ ధ్రువీకరణ పత్రం ఇవ్వమని సైదులు యాజమాన్యాన్ని కోరాడు. కొన్నిరోజుల వరకు ఆగాలని కంపెనీ తెలిపింది.

ఈ విషయమై సైదులు, ఫైనాన్స్​ సిబ్బందికి మధ్య తీవ్ర ఘర్షణ జరిగింది. కంపెనీ సిబ్బందిలో ఒకరు సైదులును కత్తితో వెనక నుంచి పొడిచాడు. బాధితుడికి తీవ్ర రక్తస్రావం కావడం వల్ల కోదాడ ప్రభుత్వ ఆస్పత్రికి తరలించారు. కేసు నమోదు చేసుకున్న పోలీసులు విచారణ జరుపుతున్నారు.

ఇదీ చూడండి: మా ఇంట్లోకి నేను వెళ్లాను..! సమస్యలుంటే న్యాయపరంగా తేల్చుకోవాలి: దాసరి అరుణ్‌