జంగంపల్లి గ్రామంలో పేలుడు సామాగ్రి స్వాధీనం

భిక్నూర్​ మండలం జంగంపల్లి గ్రామంలో రెండు కిలోల నిషేధిత పేలుడు సామాగ్రిని పోలీసులు స్వాధీనం చేసుకున్నారు. శుక్రవారం రాత్రి గ్రామంలోని ఓ ఇంట్లో నాటుబాంబు పేలింది. గ్రామస్థుల సమాచారంతో పోలీసులు సోదాలు నిర్వహించి ఓ వ్యక్తిని అదుపులోకి తీసుకున్నారు.

కామారెడ్డి జిల్లా భిక్నూర్​ మండలం జంగంపల్లి గ్రామంలో ఈరోజు ఉదయం పోలీసులు బాంబ్ స్క్వాడ్ , డాగ్​ స్క్వాడ్ ఆధ్వర్యంలో ఓ ఇంట్లో సోదాలు నిర్వహించారు. సుమారు రెండు కిలోల వరకు నిషేధిత పేలుడు సామాగ్రిని స్వాధీనం చేసుకున్నారు.

శుక్రవారం రాత్రి నాటుబాంబు పేలిన ఘటనలో పుల్లూరి సిద్ధరాములు ఇల్లు పూర్తిగా ధ్వంసమైంది. గ్రామస్థుల సమాచారంతో అక్కడికి చేరుకున్న పోలీసులు సిద్ధరాములును అదుపులోకి తీసుకుని.. ఇంట్లో సోదాలు నిర్వహించారు.

ఇదీ చూడండి: జంగంపల్లిలో నాటుబాంబు పేలి కూలిన ఇంటి పైకప్పు