నల్గొండ జిల్లాలో ప్రతిరోజు ఎక్కడో ఒక చోట మనుషులు, జంతువులు విద్యుదాఘతానికి బలవుతున్నారు. తాజాగా జిల్లాలోని కనగల్ మండలంలోని రెడ్డి గూడెం గ్రామానికి చెందిన రైతు అంజి రెడ్డి ఉదయం తన బావి వద్ద ట్రాన్స్ పార్మర్ ప్యూజ్ వేస్తున్న క్రమంలో విద్యుత్ షాక్కు గురై మృతి చెందారు. ఎన్నిసార్లు ప్రమాదాల గురించి అధికారుల దృష్టికి తీసుకెళ్లినప్పటికీ మార్పు లేదు.
ఎక్కడ చూసినా అవే ఘటనలు...
జిల్లా వ్యాప్తంగా ఎక్కడ చూసినా ఇవే సంఘటనలు జరుగుతున్నాయని విద్యుత్ శాఖ అధికారులు, సిబ్బంది తీరుపై ప్రజలు మండిపడుతున్నారు. ఏ గ్రామంలో చూసినా కనీసం జాగ్రతలు తీసుకోవట్లేదని ఆందోళన వ్యక్తం చేశారు. మరోవైపు విద్యుత్ నియంత్రికల (ట్రాన్స్ఫార్మర్) చుట్టూ ఎలాంటి కంచే లేకుండా ఉంటున్న దాఖలాలు కోకొల్లలు. కొన్ని చోట్ల స్విచ్లు సైతం ఏర్పాటు చేయకుండా నిర్లక్ష్యంగా వ్యవహరిస్తున్నారని రైతులు వాపోతున్నారు. ఫలితంగా ప్రజా ప్రాణాలు గాల్లో కలిసిపోతున్నాయి.
ఇవీ చూడండి : ఇన్స్పెక్టర్ను సస్పెండ్ చేసిన సీపీ అంజనీకుమార్
