దొంగల ముఠా అరెస్టు

చరవాణులే లక్ష్యంగా దొంగతనాలు చేస్తున్న 8 మంది సభ్యుల ముఠాను పోలీసులు అరెస్టు చేశారు. వారి వద్ద నుంచి 34 చరవాణులు, రెండు ద్విచక్ర వాహనాలను పోలీసులు స్వాధీనం చేసుకున్నారు.

హైదరాబాద్​లో రాత్రి వేళల్లో ఒంటరిగా వెళ్లే వారి దగ్గరి నుంచి చరవాణులు చోరీ చేస్తున్న 8 మంది సభ్యుల ముఠాను పోలీసులు అరెస్ట్ చేశారు. నిందితుల నుంచి 34 సెల్​ఫోన్లు, రెండు ద్విచక్ర వాహనాలు స్వాధీనం చేసుకున్నారు. ముఠాలో ముగ్గురు బాలనేరస్థులు కూడా ఉన్నారు. 8మంది కలిసి గత నాలుగు నెలలుగా చరవాణీలు దొంగిలిస్తున్నట్లు పోలీసుల దర్యాప్తులో తేలింది. హాంకాంగ్​​, జగదీశ్​ మార్కెట్లలో దొంగిలించిన చరవాణులను కొంటున్న దుకాణాదారులపై కూడా కేసులు నమోదు చేశామని సీపీ అంజనీకుమార్​ తెలిపారు. ముఠాలో బాలనేరస్థులు ఉండటం బాధాకరమని.. పిల్లల గురించి తల్లిదండ్రులు ఎప్పటికప్పుడు గమనిస్తూ ఉండాలని అంజనీ కుమార్ సూచించారు. నగరవాసులు తమ దృష్టికి ఏదైనా సమస్య వస్తే 100 నెంబర్​కు ఫోన్ చేసి చెప్పాలని సీపీ తెలిపారు.

ఇవీ చూడండి: ఆర్టీసీ బస్సులో దొంగతనం