సిద్దిపేట జిల్లా జగదేవ్పూర్ మండలం రాయవరంలో విషాదం చోటుచేసుకుంది. అప్పుల బాధ తాళలేక కంకణాల మహేశ్ అనే వ్యక్తి పురుగుల మందు తాగి ఆత్మహత్యకు పాల్పడ్డాడు. గ్రామానికి చెందిన మహేశ్ తనకున్న ఎకరం 1.5 ఎకరాల పొలంతో పాటు మరో 2 ఎకరాల భూమిని కౌలుకు తీసుకొని వ్యవసాయం చేస్తున్నాడు. మరోవైపు లారీ డ్రైవర్గా విధులు నిర్వహిస్తూ జీవనం కొనసాగిస్తున్నాడు. ఈ క్రమంలోనే కుటుంబ పోషణకు, వ్యవసాయానికి చేసిన అప్పులు తాళలేక ఆత్మహత్యకు పాల్పడ్డాడు. ఇంట్లో ఉన్న పురుగుల మందు తాగి తనువు చాలించాడు.
గమనించిన కుటుంబ సభ్యులు మహేశ్ను హుటాహుటిన గజ్వేల్ ప్రభుత్వ ఆసుపత్రికి తరలిస్తుండగా.. మార్గమధ్యలో మృతి చెందాడు. కుటుంబ సభ్యులు ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.
