యువకుడు లైంగిక వేధింపులు చేశాడంటూ ఫిర్యాదు

నువ్వే కావాలన్నాడు... హైదరాబాద్​ అంతా తిప్పాడు. శివారు ప్రాంతానికి తీసుకెళ్లి బలవంతం చేశాడు. ఆలస్యంగా వెలుగులోకి వచ్చిన ఈ కేసులో బాధితురాలి తల్లి మోండా మార్కెట్​ పోలీస్​స్టేషన్​లో ఫిర్యాదు చేసింది.

రంగారెడ్డి జిల్లాలోని యాప్రాల్​లో తల్లీ, కూతురు ఉండేవారు. తన ఇంటిపక్కనే ఉన్న ఆటో డ్రైవర్​ మహేష్​ మూడేళ్ల నుంచి తరచుగా అమ్మాయికి ఫోన్​ చేసేవాడు. ఆ యువతి సికింద్రాబాద్​ పాలికా బజార్​లోని ఓ దుకాణంలో సేల్స్​ గర్ల్​గా పనిచేస్తోంది. రోజూ ఉదయం షాపునకు వెళ్లి రాత్రి తిరిగి వస్తుండేది.

జులైలో మహేష్​ ఆమె షాపు దగ్గరికి వచ్చాడు. అమెను జూపార్క్​కు తీసుకువెళ్తానని చెప్పి ఎల్బీనగర్​ వైపు తీసుకెళ్లాడు. సాయంత్రం 7 గంటల సమయంలో ఆమెను నిర్మానుష ప్రదేశానికి తీసుకెళ్లి.. లైంగిక వేధింపులకు పాల్పడ్డాడు. ఈ క్రమంలో వారి మధ్య ఘర్షణ జరిగింది. దీంతో ఆమెను సికింద్రాబాద్​లోని పెట్రోల్​ బంక్​ వద్ద దింపేశాడు. ఇంటికి వెళ్లిన యువతి.. తల్లికి అసలు విషయం చెప్పింది. దీనిపై తల్లి గురువారం మార్కెట్​ పోలీస్​ స్టేషన్​లో ఫిర్యాదు చేసింది. కేసు నమోదు చేసుకున్న పోలీసులు బాధితురాలిని సికింద్రాబాద్​ భరోసా సెంటర్​కు పంపించి కౌన్సిలింగ్​ ఇస్తున్నారు. నిందితుని కోసం పోలీసులు గాలిస్తున్నారు.

ఇవీ చూడండి: యజమాని కుమారుడి చేతిలో కిరాతకానికి గురైన బాలిక మృతి