చెడు వ్యసనాలకు లోనై చోరీలకు పాల్పడుతున్న దొంగను ఏపీలోని గుంటూరు పోలీసులు అరెస్టు చేశారు. నెల్లూరు జిల్లా సూళ్లురూపేటకు చెందిన కచ్చారం మధుసూధనరావు గుంటూరులో చదువుకునేందుకు వచ్చి దొంగగా మారాడు. యూట్యూబ్ వీడియోల ద్వారా దొంగతనం ఎలా చేయాలో నేర్చుకున్న మధు... ఒంటరిగా వెళ్తున్న మహిళల మెడలో నుంచి ఆభరణాలు లాక్కెళ్లడం మొదలుపెట్టాడు.
గతేడాది డిసెంబర్ 30న భారత్‌పేటలో, ఈనెల 8న శివాలయం రోడ్డులో మహిళల మెడలో నుంచి ఆభరణాలు తస్కరించాడు. దొంగలించిన సొత్తు బ్రాడీపేటలోని ఓ దుకాణంలో విక్రయిస్తుండగా... పోలీసులు పట్టుకున్నారు.
