New Year Special Chicken Roast: మరికొన్ని గంటల్లో కొత్త సంవత్సరానికి ఆహ్వానం పలికేందుకు యావత్ ప్రపంచం సిద్ధమవుతోంది. ఇక కొత్త సంవత్సరం అంటే.. దానికి కొన్ని గంటల ముందు నుంచే ప్రిపరేషన్స్ ఉంటాయి. బాణసంచా మోతలు, హోరెత్తించే డీజేలు, డ్యాన్సులు, ఫ్రెండ్స్, ఫ్యామిలీతో కలిసి డిన్నర్స్.. ఇలా ఒక్కటేమిటి ఎన్నో హంగులు, ఆర్భాటాలు ఉంటాయి.
వీటితోపాటు డిసెంబర్ 31వ తేదీ రాత్రి ఘుమఘుమలాడే నాన్వెజ్ వంటకాలు సిద్ధమవుతాయి. ఆ రాత్రికి ముక్కలేనిది ఏ పనీ కాదు. మరి మీరు కూడా ఏమైనా రెసిపీలు ప్రిపేర్ చేయాలనుకుంటున్నారా? అయితే ఓ సారి ఈ చికెన్ రోస్ట్ ట్రై చేయండి. సువాసనకే కడుపు నిండేలా అనిపించే ఈ వంటకం.. ఇక తింటే ఘాటు నషాళానికి ఎక్కాల్సిందే. మరి, దీనికి కావాల్సిన పదార్థాలు, తయారీ విధానం ఈ స్టోరీలో తెలుసుకుందాం..
కావాల్సిన పదార్థాలు:
- చికెన్ - అర కిలో
- పచ్చిమిర్చి - 4
- వేడి నీరు - కప్పున్నర
- దాల్చిన చెక్క - కొద్దిగా
- లవంగాలు -4
- అల్లం వెల్లుల్లి పేస్ట్ - అర టేబుల్ స్పూన్
- బిర్యానీ ఆకు - 1
- యాలకులు - 2
- ఉప్పు - రుచికి సరిపడా
- పసుపు - పావు టీ స్పూన్
మసాలా పొడి కోసం:
- లవంగాలు - 7
- దాల్చిన చెక్క - కొద్దిగా
- ధనియాలు - 1 టేబుల్ స్పూన్
- అనాస పువ్వు - సగం ముక్క
- మరాఠీ మొగ్గ - సగం
- యాలకులు - 4
- జీలకర్ర - అర టేబుల్ స్పూన్
కర్రీ కోసం:
- నూనె - 4 టేబుల్ స్పూన్లు
- ఉల్లిపాయ - 1
- కరివేపాకు - 2 రెమ్మలు
- అల్లం వెల్లుల్లి పేస్ట్ - అర టేబుల్ స్పూన్
- కారం - ఒకటిన్నర టేబుల్ స్పూన్లు
- పచ్చిమిర్చి చీలికలు - 4
- కొత్తిమీర తరుగు - కొద్దిగా
- నిమ్మరసం - అర చెక్క
తయారీ విధానం:
- ముందుగా ఓ మందపాటి గిన్నెలో చికెన్ ముక్కలు, పచ్చిమిర్చి ముక్కలు, దాల్చిన చెక్క, లవంగాలు, అల్లం వెల్లుల్లి పేస్ట్, బిర్యానీ ఆకు, యాలకలు, కొద్దిగా ఉప్పు, పసుపు వేసి కలిపి చికెన్ ముక్కలు మునిగే వరకు వేడి నీరు పోసి కలిపి మూత పెట్టాలి.
- ఇప్పుడు స్టవ్ ఆన్ చేసి దాని మీద చికెన్ ముక్కలు ఉన్న గిన్నెను పెట్టి మీడియం ఫ్లేమ్లో చికెన్ 80 శాతం ఉడికే వరకు కుక్ చేసుకోవాలి. ఈ అరకిలో చికెన్ 80 శాతం కుక్ కావడానికి ఓ 10 నుంచి 15 నిమిషాల సమయం పడుతుంది.
- ఆ తర్వాత స్టవ్ ఆఫ్ చేసి చికెన్ ముక్కలను జల్లెడలో వేసి నీటిని సెపరేట్ చేసుకుని పక్కన పెట్టాలి.
- ఇప్పుడు మసాలా పొడి ప్రిపేర్ చేసుకోవాలి. అందుకోసం స్టవ్ ఆన్ చేసి పాన్ పెట్టి లవంగాలు, దాల్చినచెక్క, ధనియాలు, అనాసపువ్వు, మరాఠీ మొగ్గ, యాలకులు, జీలకర్ర వేసి సన్నని సెగ మీద దోరగా వేయించుకుని ఓ ప్లేట్లోకి తీసుకోవాలి.
- మసాల దినుసులు చల్లారిన తర్వాత మిక్సీజార్లో వేసుకుని మెత్తగా పొడి చేసి పక్కన పెట్టుకోవాలి.
- ఇప్పుడు స్టవ్ ఆన్ చేసి పాన్ పెట్టి నూనె పోసి వేడి చేసుకోవాలి. ఆయిల్ హీట్ అయిన తర్వాత ఉల్లిపాయ ముక్కలు వేసి ఓ నిమిషం పాటు ఫ్రై చేసుకోవాలి.
- ఆ తర్వాత కరివేపాకు రెమ్మలు, అల్లం వెల్లుల్లి పేస్ట్ వేసి హై ఫ్లేమ్ మీద వేయించుకోవాలి.
- అల్లం పేస్ట్ వేగిన తర్వాత 80 శాతం ఉడికించుకున్న చికెన్ ముక్కలు వేసి హై ఫ్లేమ్ మీద టాస్ చేసుకోవాలి.
- ఆ తర్వాత మధ్యమధ్యలో కలుపుతూ ఓ 5 నిమిషాల పాటు కుక్ చేసుకోవాలి.
- అనంతరం గ్రైండ్ చేసుకున్న మసాలా పొడి, కారం, చికెన్ను ఉడికించిగా మిగిలిన నీరు 5 టేబుల్ స్పూన్ల పోసి మసాలాలు మాడిపోకుండా హై ఫ్లేమ్ మీద మరో 5 నిమిషాలు టాస్ చేయాలి.
- ఆ తర్వాత రుచికి సరిపడా ఉప్పు, పచ్చిమిర్చి చీలికలు, కొత్తిమీర తరుగు, నిమ్మరసం పిండి మరోసారి కలిపి సర్వ్ చేసుకుంటే ఎంతో టేస్టీగా మరెంతో స్పైసీగా ఉండే చికెన్ రోస్ట్ రెడీ. స్టాటర్గా, సైడ్ డిష్గా సూపర్గా ఉంటుంది.
- నచ్చితే మీరూ ఈ రెసిపీని ఈ న్యూ ఇయర్కు ట్రై చేసి మీ పార్టీని మరింత టేస్టీగా మార్చుకోండి.
ఎప్పుడూ ఒకేలా కాకుండా ఓసారి ఇలా "చిల్లీ చికెన్" చేసుకోండి - ముక్క మిగల్చకుండా తినేస్తారంతే!
