టెంపరేచర్​ను బట్టి కలర్స్ మార్చే స్మార్ట్​ఫోన్- దేశీయ మార్కెట్లోకి ఎంట్రీ ఎప్పుడో తెలుసా?

త్వరలో ఇండియన్ మార్కెట్లోకి 'రియల్​మీ 14' సిరీస్- జనవరి నుంచే సేల్స్!

Realme 14 Pro Series: మార్కెట్లో త్వరలో 'రియల్​మీ 14' సిరీస్ మొబైల్స్ ఎంట్రీ ఇవ్వనున్నాయి. కంపెనీ ఈ సిరీస్​ను వచ్చే నెలలో రిలీజ్ చేసేందుకు సన్నాహాలు చేస్తోంది. వీటి లాంఛ్ డేట్​పై ఇంకా అధికారికంగా ధృవీకరించనప్పటికీ ఈ సిరీస్ సేల్ తేదీకి సంబంధించి ఆన్​లైన్​లో సమాచారం వెలువడింది.

సమాచారం ప్రకారం.. 'రియల్​మీ 14 ప్రో' సిరీస్​ కనీసం రెండు వేరియంట్స్​లో అయినా వస్తున్నట్లు తెలుస్తోంది. అవి 'రియల్​మీ 14 ప్రో', 'రియల్​మీ 14 ప్రో ప్లస్'. వీటి విక్రయాలు జనవరి 13 నుంచి ప్రారంభమవుతాయని టిప్‌స్టర్ పరాస్ గుగ్లానీ తన X ఖాతాలో పోస్ట్‌లో రాశారు. ఈ పోస్ట్​ను చూస్తుంటే జనవరి రెండో వారంలో 'రియల్​మీ 14 ప్రో' సిరీస్ లాంచ్ కావచ్చని తెలుస్తోంది. దీనిపై ఇప్పటికే మైక్రోసైట్ ​ఇ-కామర్స్ వెబ్‌సైట్ ఫ్లిప్‌కార్ట్‌లో లైవ్ అవుతోంది. ఇది దాని ఆన్​లైన్ సేల్స్​ గురించి సమాచారాన్ని అందిస్తుంది.

స్పెసిఫికేషన్లు: 'రియల్​మీ 14 ప్రో' సిరీస్ 42 డిగ్రీల క్వాడ్-కర్వ్డ్ డిస్‌ప్లే, అల్ట్రా-స్లిమ్ 1.6mm ఎడ్జ్-టు-ఎడ్జ్ బెజెల్స్​ను కలిగి ఉంటుంది. ఇది 1.5K రిజల్యూషన్ డిస్‌ప్లే, వినూత్న కోల్డ్-సెన్సిటివ్ కలర్-ఛేంజ్ బ్యాక్ ప్యానెల్‌ను కలిగి ఉంటుంది. వీటితో పాటు ఈ సిరీస్ మొబైల్స్​లో హీట్ ఎక్కువైతే కంట్రోల్ చేసేందుకు థర్మోక్రోమిక్ పిగ్మెంట్స్ ఉన్నాయి. అంతేకాక ఇది టెంపరేచర్ పెరిగితే సిగ్నల్ కూడా అందిస్తుంది. ఉష్ణోగ్రత 16°C కంటే తక్కువ ఉంటే ఇది పెర్ల్ వైట్​ నుంచి వైబ్రెంట్ బ్లూ కలర్​లోకి మారుతుంది. టెంపరేచర్ పెరిగేకొద్దీ ఇది రివర్స్ అవుతుంది.

Xclusive: Realme 14 Pro Series sales from 13th Jan onwards!! #Realme pic.twitter.com/Qss5QqNJFq

— Paras Guglani (@passionategeekz) December 30, 2024

ఇక ఇమేజింగ్ కోసం.. ఇది 'ఓషన్ ఓకులస్' అనే సర్క్యులర్ ట్రిపుల్-కెమెరా సెటప్‌ను కలిగి ఉంది. ఇది రాత్రి సమయంలో మెరుగైన పోర్ట్రెయిట్‌ల కోసం 'మ్యాజిక్‌గ్లో' ట్రిపుల్ ఫ్లాష్‌తో వస్తుంది. ఈ స్మార్ట్‌ఫోన్ స్వెడ్ లెదర్ ఫినిషింగ్‌తో వస్తుంది. కంపెనీ దీన్ని 7.55 మిమీ మందంతో తీసుకురానుంది. దీని ఇతర ఫీచర్ల విషయానికొస్తే.. క్వాల్​కామ్ స్నాప్​డ్రాగన్ 7s Gen 3 ప్రాసెసర్​తో ఈ సిరీస్ వస్తుంది. ప్రస్తుతం దాని బ్యాటరీ, డిస్‌ప్లే సైజ్, కెమెరా సెన్సార్ వంటి ఇతర విషయాల గురించి పూర్తి సమాచారం అందుబాటులో లేదు.