కారులో చెలరేగిన మంటలు... తప్పిన ప్రాణనష్టం

ప్రమాదవశాత్తు కారులో మంటలు చెలరేగి.. చూస్తుండగానే కారు తగలబడిపోయింది. ఈ ఘటన మహబూబ్​నగర్​ జిల్లాలో చోటుచేసుకుంది.

మహబూబ్​నగర్ జిల్లా బాలానగర్ మండల కేంద్రంలోని జాతీయ రహదారిపై ప్రమాదవశాత్తు కారు దగ్ధమైంది. ఈ ఘటనలో కారులో ఉన్న వారు సురక్షితంగా బయటపడ్డారు.

మహబూబ్​నగర్ పట్టణానికి చెందిన శ్రీకాంత్ తన భార్య, పిల్లలతో కలిసి షాద్​నగర్​ వెళ్లారు. తిరిగి మహబూబ్​నగర్ వస్తుండగా బాలానగర్​ వద్దకు రాగానే కారులో ఒక్కసారిగా మంటలు చెలరేగాయి. అప్రమత్తమైన శ్రీకాంత్​ కుటుంబం వెంటనే కారు నుంచి కిందికి దిగారు. చూస్తుండగానే కారు తగలబడిపోయింది. ఈ ఘటనలో ఎలాంటి ప్రాణ నష్టం జరగకపోవడం వల్ల అంతా ఊపిరి పీల్చుకున్నారు.