సెల్లార్​ కోసం తవ్విన గుంతలో పడి యువకుడు మృతి

సెల్లార్​ కోసం తవ్విన చోట చేరిన నీటిలో పడి పద్నాలుగేళ్ల యువకుడు మరణించిన ఘటన హైదరాబాద్​ మియాపూర్​లోని నరేన్​ గార్డెన్స్​ వద్ద జరిగింది. ప్రమాదానికి కారకులైన వారిపై చర్యలు తీసుకుంటామని సీఐ వెంకటేశం తెలిపారు.

హైదరాబాద్​ మియాపూర్​లోని నరేన్​ గార్డెన్స్​ వద్ద సెల్లార్​ కోసం తవ్విన చోట చేరిన నీటిలో పడి 14 ఏళ్ల తరుణ్​ అనే అబ్బాయి మృతి చెందాడు. మియాపూర్​ న్యూ కాలనీలో నివాసముంటున్న తరుణ్​.. స్నేహితులతో కలిసి ఈత కొట్టేందుకు నరేన్​ గార్డెన్స్ వద్దకు వెళ్లి.. ప్రమాదవశాత్తు గుంతలో మరణించారు.

గతంలో ఆ ప్రాంతంలో సెల్లార్​ కోసం బిల్డర్​ తవ్వి వదిలేశాడు. కానీ ఆ ప్రాంతంలో ప్రభుత్వ భూమిగా సూచికలు వేసి మండల రెవెన్యూ అధికారి ఉంచారు. అయితే ప్రమాదానికి కారకులైన వారిపై చట్టపరమైన చర్యలు తీసుకుంటామని సీఐ వెంకటేశం తెలిపారు.

ఇదీ చదవండి: కాంగ్రెస్, భాజపాకు ఓటు వేస్తే అంతే: హరీశ్​ రావు