జల్సాల మోజులో దొంగతనం.. 7 బైక్​లు స్వాధీనం

నగరంలో ద్విచక్ర వాహనాల దోపిడీకి పాల్పడుతున్న ఓ దొంగని వనస్థలిపురం పోలీసులు అరెస్టు చేశారు. అతని వద్ద నుంచి 7 బైక్​లను స్వాధీనం చేసుకున్నారు.

జల్సాలకు అలవాటు పడి సులభంగా డబ్బు సంపాదించాలనే దురాశతో ద్విచక్ర వాహనాల చోరీలకు పాల్పడుతున్న ఓ దొంగని వనస్థలిపురం పోలీసులు అరెస్టు చేశారు. మేడ్చల్​కు చెందిన కృష్ణ దినసరి కూలీ. చెడు అలవాట్లకు బానిసైన అతను నగరంలోని వివిధ ప్రాంతాల్లో బైక్​ దొంగతనాలు చేసేవాడు.

బాధితుడి ఫిర్యాదు మేరకు కేసు నమోదు చేసి దర్యాప్తు చేసిన పోలీసులు.. నిందితుడు కృష్ణని అరెస్టు చేశారు. అతని వద్ద నుంచి 7 బైక్​లను స్వాధీనం చేసుకున్నారు.

ఇదీ చదవండి: ముందు జాగ్రత్తగా మందులు.. దండిగా ఖర్చులు..