ఆన్​లైన్​ యాప్​ల్లో రుణం... ఒత్తిడి తట్టుకోలేక యువతి ఆత్మహత్య

ఆన్​లైన్​ యాపుల్లో రుణం తీసుకొని వాటిని తీర్చే విషయంలో ఒత్తిడి తట్టుకోలేక ఓ యువతి ఆత్మహత్యకు పాల్పడింది. సకాలంలో లోన్లు చెల్లింపు చేయలేక తీవ్ర మనస్తాపంతో బలవన్మరణానికి పాల్పడినట్లు మృతురాలి తల్లి తెలిపారు.

ఏపీలోని విశాఖ గాజువాకలో విషాదం చోటుచేసుకుంది. శ్రీనగర్ సుందరయ్య కాలనీలో ఎంబీఏ విద్యార్థిని ఎం.ఆహ్లాద(22) ఆత్మహత్యకు పాల్పడింది. తల్లిదండ్రులు ఇంట్లో లేని సమయంలో ఫ్యాన్​కి ఉరి వేసుకుంది. ఆమె ఆన్​లైన్​లోని కొన్ని యాప్​ల ద్వారా లోన్లు తీసుకుంది. వాటిని చెల్లించాలంటూ ఒత్తిడి ఎదుర్కొనేది.

ఈ క్రమంలో వివిధ యాప్​ల నుంచి చెల్లింపుల కోసం మెసేజ్​లు, ఫోన్​లు పెద్ద సంఖ్యలో రావడం ఆందోళన చెందేదని ఆమె తల్లి తెలిపారు. సకాలంలో లోన్లు చెల్లింపు చేయలేక తీవ్ర మనస్తాపంతోనే ఆత్మహత్య పాల్పడి ఉంటుందని తల్లి చెబుతోంది.

ఇదీ చదవండి: మేడ్చల్ రైల్వేస్టేషన్‌లో అగ్నిప్రమాదం