మినీ బస్సును ఢీకొట్టిన ద్విచక్ర వాహనం.. వ్యక్తి మృతి

మేడ్చల్ జిల్లా మురహరిపల్లి చౌరస్తా వద్ద మినీ బస్సును ద్విచక్రవాహనంతో ఢీకొట్టి ఓ వ్యక్తి ప్రాణాలు కోల్పోయాడు. పోలీసులు మృతదేహాన్ని గాంధీకి తరలించారు. సీసీ ఫుటేజీ దృశ్యాల ఆధారంగా కేసు దర్యాప్తు చేస్తున్నారు.

మేడ్చల్ జిల్లా మురహరిపల్లి చౌరస్తా వద్ద మినీ బస్సును ద్విచక్రవాహనంతో ఢీకొట్టి ఓ యువకుడు ప్రాణాలు కోల్పోయాడు. సిద్దిపేటకు చెందిన హరీశ్​.. జీడిమెట్ల సూరారం మల్లారెడ్డి ఆసుపత్రిలో ఉన్న బంధువులను చూడడానికి వెళ్తున్నాడు.

మురహరిపల్లి వద్ద మినీ బస్సు మలుపు తిరుగుతుండగా... గమనించని హరీశ్​ దాన్ని ఢీకొట్టి కిందపడిపోయాడు. ద్విచక్రవాహనదారుడు అక్కడికక్కడే ప్రాణాలు కోల్పోగా.. కేసు నమోదు చేసుకున్న మేడ్చల్ పోలీసులు మృతదేహాన్ని గాంధీకి తరలించారు. సీసీ ఫుటేజీ దృశ్యాల ఆధారంగా కేసు దర్యాప్తు చేస్తున్నారు.

ఇదీ చదవండి: ఆగి ఉన్న లారీని ఢీ కొట్టిన కారు.. ఒకరు మృతి